Dinullah

Mawlidi Nabawi: Inafaa au Haifai kusheherekea?

2012-02-09T15:50:00.000-08:00

Ni furaha iliyoje! Ni furaha iliyo je pindi mja anapoafikishwa, kuifahamu haki, kuifuata na kuitetea. Tarehe kumi na mbili ya mwezi wa Rabiiu al Awwal ndio tarehe ya kuzaliwa Mtume Muhammad (rehema na amani iwe juu yake) {hii ni moja ya kauli za wanazuoni, kama tunavyojua ya kwamba tarehe ya kuzaliwa Mtume wanazuoni wametofautiana}.

Bila shaka katika msimu huu huwa tunashuhudia waislamu wakigawanyika katika makundi mawili. Kuna wanaoona inafaa kuadhimisha siku hii ya kuzaliwa Mtume (rehma na amani juu yake) kwa sherehe na taratibu ambazo tunazifahamu. Na kuna wengine huona kusherehekea siku hii ya kuzaliwa Mtume haifai. Hebu wacha tuzungumzie japo kidogo kuhusiana na suala hili la Maulidi.

Kwanza kabisa tunapo zungumzia suala hili hatuna budi kuzindua ya kwamba:pindi tunapo zungumzia tofauti kama hizi, hatukusudii kutia shaka juu ya nia na ikhlasi ya muislamu juu ya kuitetea dini au kukusudia kuipotosha dini na kuiharibu,bali mjuzi wa hayo ni Allah.

Je inafaa kusherehekea maulidi ya mtume?

Kwanza kabisa kabla ya kujibu swali hili ni vizuri tukajiuliza swali hili; Je kusherehekea Maulidi ni katika dini au si katika dini?

Tukisema kusherehekea maulidi ni katika dini, basi bila shaka Mtume alilijua hili na aliwafikishia watu wake. Na bila shaka maswahaba walilijua hili na walikuwa ni wa kwanza kulitekeleza.

Na bila shaka zile karne tatu ambazo Mtume (rehma na amani juu yake) kazisifu, kuhusu karne hizo

قال رسول الله صلى الله عليه وسلم خير الناس قرني، ثم الذين يلونهم، ثم الذين يلونهم

Kasema Mtume (rehma na amani juu yake: <<Bora ya karne ni karne yangu kisha inayo fuata kisha inayo fuatia.>>

Lakini pindi tunapo fuatilia suala hili tunaona ya kwamba Mtume hakusherehekea wala hakulifikisha suala hili kwa maswahaba wake!

Je Mtume alificha dini na kutotufikishia? Jibu hapana, kwani muislamu mwenye kutia shaka juu ya Mtume basi huenda akatoka katika dini.

Ama kuhusiana na maswahaba bila shaka mwenye kufuatilia mwenendo wa maswahaba, wameona ni jinsi gani watu hawa walikuwa wakimpenda Mtume, walikuwa wapo tayari hata kuzitoa nafsi zao kwa ajili ya Mtume. Kwa mfano katika vita ya uhudi, swahaba wa Mtume, Twalha (radhi za Allaah zimshukie) alikuwa akikinga mishale kwa mkono wake ili mishale isimfikie mtume, mpaka mkono wake ukapalalaizi,subuhaana Allah!!!

Hivi kutokana na mapenzi haya ya maswahaba kwa Mtume iwapo kama suala hili lingekuwa ni katika dini wangeweza kuliacha liwapite hivi hivi?

Hapa itatubidi tujiulize,ikiwa Mtume hakusherehekea maulidi wala hakulifikisha hili kwa watu wake, na ikiwa maswahaba nao pia hawakusherehekea, licha ya mapenzi yao ya hali ya juu kwa Mtume, na ikiwa mataabiina na mataabi taabiina nao pia hawakusherehekea, sasa ni nani aliye anzisha sherehe hizi za maulidi ya Mtume?

Walio anzisha sherehe hizi ni mashi’a Al Faatwimiyyuun, walianzisha sherehe hizi karne ya nne hijiria. Kuna watu wengine hujiuliza, Lakini suala hili lina ubaya gani? Yaani mimi nitapata dhambi kwa kumsifu Mtume?

Bila shaka mlango huu ukifunguliwa tutajikuta tumebadilisha dini ya uislamu kabisa, na kuwa si dini tuliyo fundishwa na Mtume. Kwa kuwa kuna mwingine atakuja na kusema: Swala ya alfajiri tuswali rakaa tano,Kuna ubaya gani? hali ya kuwa katika rakaa hizo hatuongezi chochote katika maneno yetu bali twasoma Qur ani na ukamilifu wa rakaa ni kama alivyo tufundisha mtume!

Mwingine atasema jamani swala ya ijumaa tufanye rakaa nane kwa kuwa swala hii ni swala ya wiki kuna ubaya gani? Tutapata dhambi kwa kuswali? Mwingine atasema katika rukuu tusome surat Yaasin yote,kuna ubaya gani nitapata dhambi kwa kusoma Qur’aani? Kwa hiyo kila siku kila mmoja atakuwa anakuja na ziada yake na kuubadili kabisa uislamu.

Ndugu yangu mpendwa tutosheke na mwenendo tulio wekewa na Allah kwa kupitia Mtume wake pasina ya kuzidisha. Kwani Allah anasema ndani ya kitabu chake kitukufu:

قُلْ أَطِيعُوا اللَّـهَ وَأَطِيعُوا الرَّسُولَ ۖ فَإِن تَوَلَّوْا فَإِنَّمَا عَلَيْهِ مَا حُمِّلَ وَعَلَيْكُم مَّا حُمِّلْتُمْ ۖ وَإِن تُطِيعُوهُ تَهْتَدُوا ۚ وَمَا عَلَى الرَّسُولِ إِلَّا الْبَلَاغُ الْمُبِينُ

(Sema: Mt'iini Mwenyezi Mungu, na mt'iini Mtume. Na mkigeuka, basi yaliyo juu yake ni aliyo bebeshwa, na yaliyo juu yenu ni mliyo bebeshwa nyinyi. Na mkimt'ii yeye mtaongoka. Na hapana juu ya Mtume ila kufikisha Ujumbe wazi wazi) [24:54]

Na anasema:

الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا ۚ

(Leo nimekukamiliishieni Dini yenu, na nimekutimizieni neema yangu, na nimekupendeleeni UISLAMU uwe ndiyo Dini) [5:3]

Na Mtume alisha tutahadharisha juu ya kuleta uzushi katika dini pindi alipo sema: (Na jitahadharini na mambo ya uzushi {katika dini})

عن عائشة رضي الله عنها قالت قال رسول الله صلى الله عليه وسلم (من أحدث في أمرنا هذا ما ليس منه فهو رد )

Imetokana na Aisha (radhi za Allah ziwashukie pamoja na Baba yake) akasema Mtume (rehma na amani juu yake): (Mwenye kuzusha katika dini yetu yale ambayo hayapo katika dini,basi atarudishiwa uzushi huo).

Kama kweli tunampenda Mtume basi tufuate mwenendo wake na mafundisho yake. Kama kweli tunampenda Mtume basi tuishi nae katika maisha yetu ya kila siku na wala si siku moja tu. Kama kweli tunampenda Mtume basi tuinusuru dini yake.

Tarehe kumi na mbili ya mwezi wa Rabiiu al awali, inatukumbusha msiba mkubwa zaidi, msiba ambao hakuna msiba mkubwa zaidi yake nao ni kufiwa na kipenzi chetu Mtume Muhamad!!! rehema na amani ziwe juu yake. Kwani maulamaa hawakupishana juu ya kuwa hii ndio siku aliyofariki Habibi al Mustafa (rehma na amani juu yake)

Ewe Allaah tuongoze katika kufuata mwongozo wake. Ewe Allaah ikiwa hatukubahatika Kukutana na mtume wetu hapa Duniani basi usituharamishie kuwa nae katika pepo yako! Ewe Allah tuongoze na waongoze vijana wa kiislamu katika dini yako!

Allahumma aamiiin.

Utangulizi wa Tafsiri ya Qur'ani

2012-01-22T05:55:00.000-08:00

BISMILLAAHI RAHMAANI RAHIIM

Elimu ya tafsir ya Qur’ani ni katika elimu muhimu sana. Kwani elimu hii hupelekea kufahamu maneno, matamshi na ibara za Qur ani tukufu, kujifunza hukumu mbali mbali za kisheria na kufikia malengo yaliyo kusudiwa na na Qur ani.

Maana ya tafsiri kilugha: Tafsir kama neon la kiarabu lina maana ya ubainifu na uwazi.

Na maana ya tafsiri kiistwilaah: Ni elimu ambayo makusudio yake ni kupelekea kufahamu kitabu cha Mwenyezi Mungu Mtukufu kilicho shushwa kwa Mtume wake Muhammad (rehema na amani ziwe juu yake) na kubainisha maana yake na kutoa hukumu zake na hekima zake. Au kwa kifupi ni Kubainisha maana za Qur’ani tukufu.

Elimu ya tafsiri ya Qur’ani ni katika elimu zilizoanza tokea kipindi cha Mtume Muhamadi-rehema na amani ziwe juu yake-.

Maswahaba-radhi za Allah ziwe juu yao-walikuwa wakiitilia umuhimu wa hali ya juu Qur’ani kwa kujifunza kuisoma,kufahamu maana yake na kuifanyia kazi.

Swahaba wa Mtume Ibun Masuudi (radhi za Allah ziwe juu yake) anasema:

<<Alikuwa mmoja wetu pindi anapojifunza aya kumi, havuki kwenda mbele mpaka ajue maana zake na kuzifanyia kazi.>>

Kipindi hiki mwalimu wao mkuu alikuwa ni Mtume Muhamadi (rehema na amani ziwe juu yake)

Kama anavyo tueleza Allah ndani ya kitabu chake kitukufu:

(وَأَنزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ)

سورة النحل:44

( Na tumekuteremshia wewe Ukumbusho {Qur’ani} ili uwabainishie watu yaliyo teremshwa kwao, huenda watapata kufikiri) Suratun Nahl:44.

Kisha baada ya hapo maswahaba ndio walio endeleza jukumu hili la kufasiri Qur’ani. Na katika hao, kuna maswahaba walio kuwa ni mashuhuri juu ya elimu hii wakiwemo makhalifa wa Mtume waongofu ambao ni Abubakari, Omari, Othmani na Ally (radhi za Allah ziwe juu yao). Vile vile ‘Abdullahi bin ‘Abasi (radhi za Allah ziwe juu yake na baba yake), na alikuwa akiitwa "Mfasiri wa Qur’ani" kutokana na umahiri wake juu ya elimu ya Qur’ani. Tukumbuke ya kwa Mtume siku moja alimuombea dua swahaba huyu kwa kusema:

اللهم فقهنا في الدين وعلمنا التأويل

(Ewe Allah mfahamishe dini na mfundishe tafsiri).

Vile vile katika maswahaba walio kuwa ni maarufu katika kufasiri Qur’ani ni Abdullahi bin Masuudi (Allah amridhie)

Na alikuwa akisema: <<Haikushuka aya katika kitabu cha Allaاh, isipokuwa ninajua imeshuka kwa ajili ya nani, na wapi imeshuka, na laiti kama ningekuwa ninajua ya kwamba kuna mtu ni mjuzi wa kitabu cha Allah kulikoni mimi, kuna uwezekano wa kumfikia kwa farasi basi ningemwendea>>

Kisha baada ya hapo wakachukua tafsiri kutoka kwa maswahaba, mataabi’ina (kizazi kilichofuatia baada ya maswahaba wakiwemo Al Hassan al Basry, Saidi bin Jubair, Ikrima mawla wa ibn Abasi na wengineo.

Hawa mataabi’ina wakawapatia wanazuoni walio kuja baada yao na maimamu na wakaandika katika vitabu mbali mbali ambavyo vimetufikia.

Katika vitabu vya tafsiri mashuhuri ni:

1:Tafsiri Twabari:

Hii ni tafsiri iliyo andikwa na Imam wa wafasiri Muhammad bin Jariir at Twabari (rahimahu Llaah). Ibn Jariir alitokea Baghdad, Iraq na alifariki mwaka 310H.

Ibn Jariir amekusanya kauli hadithi za mtume kauli za maswahaba na kauli za mataabi’i na mataabii taabi’ina.

Tafsiri hii huzingatiwa kuwa ndio marejeo ya kwanza katika tafsiri,na wafasiri walio kuja baada yake walitegemea sana kitabu hiki katika kuandika tafsiri zao.

2: Tafsiri al Qurtubi:

Tafsiri hii imeandikwa na imamu Abu abdillah Muhammad bin Ahmad al answaariy al kurtubiy (rahimahu Llaah). Alikuwa akitokea Qurtuba (Cordoba) ilioko Hispania ya leo. Alifariki mwaka 671H.

3:Tafsiri al qur’an al adhwiim.

Tafsiri hii ilitungwa na imam Ismail bin Kathiir (Allaah amrehemu), alikuwa akitoke Damascus Siria. Imam ibn Kathir alifariki mwaka wa 774H. Tafsiri ambayo ni maarufu kwa jina la “Tafsir ibn Kathir ilikuwa ni marejeo ya pili baada ya Tafsiri ya imam Twabari.

In shaa Allah makala ijayo tutazungumzia kuhusiana na aina za tafsiri.

MAANA YA TWAHARA NA UMUHIMU WAKE KATIKA SALA

2011-12-16T05:46:00.000-08:00

Twahara katika lugha maana yake ni kujisafisha/usafi. Tunapozungumza twahara katika Uislamu ni kuondoa uchafu na vyenye kuchafua, hii ni sehemu ya usafi wa kimwili au mahala au kivazi. Lakini pia twahara ina upande wa kiimani au tuseme usafi wa ki’akida. Na Allaah anatuambia katika Qur’aan:

خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا وَصَلِّ عَلَيْهِمْ ۖ إِنَّ صَلَاتَكَ سَكَنٌ لَّهُمْ ۗ وَاللَّهُ سَمِيعٌ عَلِيمٌ

Chukua sadaka katika mali zao, uwasafishe na uwatakase kwazo, na uwaombee rehema. Hakika maombi yako ni utulivu kwao. Na Mwenyezi Mungu ni Mwenye kusikia Mwenye kujua. [9:103]

Bila ya shaka yoyote twahara itakayotokana na sadaqa itakuwa sio twahara ya kimwili bali ni twahara ya kuitakasa mali kiimani.

Kinyume chake katika sura hito hito Allaah anatuambia:

يَا أَيُّهَا الَّذِينَ آمَنُوا إِنَّمَا الْمُشْرِكُونَ نَجَسٌ

Enyi mlio amini! Hakika washirikina ni najsi [9:28]

وَلُوطًا آتَيْنَاهُ حُكْمًا وَعِلْمًا وَنَجَّيْنَاهُ مِنَ الْقَرْيَةِ الَّتِي كَانَت تَّعْمَلُ الْخَبَائِثَ ۗ إِنَّهُمْ كَانُوا قَوْمَ سَوْءٍ فَاسِقِينَ

Na Luut' tukampa hukumu na ilimu na tukamwokoa na ule mji ulio kuwa ukifanya maovu. Hakika hao walikuwa watu wabaya, wachafu. [21:74]

Aya hizi zinatudhihirishia kuwa kinyume cha twahara sio uchafu tu wa kimwili bali pia uchafu wa matendo ya haramu na kufuru.

Ni kawaida ya mafuqahaa (maulamaa wa fiqhi) kuanza mafundisho ya Fiqh na mlango wa twahara kwa sababu twahara ni sharti miongoni mwa masharti ya swalaah, pia swalaah ni nguzo ya pili baada ya shahada na twahara ndio ufunguo wa swalaah. Huwezi kuswali bila ya kuwa na twahara. Mbali na kuswali pia twahara inatulazima tunapofanya ibada nyingine kama vile ibada ya twawafu (kutufu al Ka’ba). Hata hivyo katika somo letu litalenga katika swalaah.

Pia kuna suala muhimu kuhusiana na twahara ambalo zaidi linawalenga ma’ulamaa na wenye kutafuta elimu ya dini ya Allaah, Uislamu. Watu hawa wanatakiwa kuzisafisha nyoyo zao, yaani kutafuta kwao elimu iwe ni kwa ajili ya kutafuta radhi za Allaah tu na si vingivenyo, hiyo ndio nia pekee iliyo sahihi. Pia wanatakiwa kuachana na matendo machafu yote ambayo Allaah ‘azza wa jall ameyaharamisha. Si kwamba wengine hawatakiwi kuwa na haya lakini waliofungamana na elimu wa jukumu zaidi katika haya. Mambo mengine yanayowahusu maulamaa ni pamoja na kufuata sharia’h, kutangaza dini kwa watu na kuondoa ujimga katika jamii ili watu wamuabudu Allaah kwa ujuzi.

SWALA BILA YA TWAHARA HAISWIHI

عَنْ أَبِي هُرَيْرَة رَضِيَ عَنْهُ قَالَ: قَالَ رَسُوْلُ اللهِ صَلَّى اللهُ عَلَيْهِ وَسَلَّمَ: لَا يَقْبَلُ اللهُ صَلَاةَ أَحَدِكُمْ إِذَا أَحْدَثَ حَتَّى يَتَوََضَأً

Amesimulia Abu Hurayrah [radhi za Allaah zimshukie]; Amesema Mtume wa Allah (rehma na amani juu yake): Allaah haikubali swalaah ya mmoja wenu ikiwa ataingiwa na hadhath (tahara itamtoka) mpaka atakapotawadha.

MAZINGATIO YA HADITHI

1. Swalah haikubaliki mpaka mtu awe na twahara kamili; yaani ajisafishe kutokana na hadath ndogo (mfano kutokwa na udhu) na kubwa (mfano kuingiwa na janaba).

2. Al Hadhath (kushuta, kufanya naja ndogo au kubwa n.k) ni kwenye kutoa/kukata udhu na iwapo hadah itakukuta ukiwa kwenye sala basi hubatilisha sala yako.

3. Maana ya “Allaah haikubali swalaah” ni kwamba Swalaah haitokuwa sahihi na anayeitekeleza katika hali hiyo hatapa malipo yaliyokusudiwa.

4. Hadithi hii pia ina maana kwamba twahara ni sharti ambalo lazima litimiswe kabla kuingia kwenye ibada ya swalaah.

FIQ-HI YA TWAHARA - UTANGULIZI

2011-12-16T04:07:00.000-08:00

Shukrani zote zina mstahiki Allaah, Mola Mlezi wa viumbe wote. Rehma na amani zimshukie Mtume wa Allaah na watu wake na sahaba zake, pamoja na wote wenye kufuata mwenendo wake mpaka siku ya qiyamah.

Uislamu ni dini ya kujitoharisha; ni dini yenye kusisitiza mno kwenye suala la usafi. Dini hii imetoa ufafanuzi wa hali ya juu kuhusu mambo yote tunayoyahitaji katika suala la twahara, Uislamu umeweka wazi juu ya kanuni zote ambazo zinamnufaisha mwanadamu katika maisha yake, hakuna ambacho ni chenye manufaa katika maisha na Uislamu umekiacha, twahara ni moja katika ya mambo yenye manufaa makubwa kwa mwanadamu ndio maana Uislamu ukasisitiza utekelezaji wake.

Kuna ibada ambazo katika Uislamu haturuhusiwi kuzitekeleza mpaka tuwe katika hali ya twahara. Hii inatokana na ukubwa na umuhimu wa ibada hizo. Mfano wa ibada hizo ni Swalaah.

Swalaah ni nguzi ya pili ya kiislam baada ya shahada, swalaah ndiyo inayotofautisha baina ya Muislamu na Kaafir. Jaabir bin ‘Abdullah (radhi za Allah zimshukie) amesema: Nimemsikia Mtume salla Llahu ‘alayhi wa sallam akisema: “Baina ya mtu na kaafir au kufuru ni kuacha swalaah” [Sahih Muslim Vol. 1, Hadith 247, uk 170-171]

Swalaah ni nguzo muhimu mno katika Uislamu, ni jambo la mwanzo tutakalo ulizwa siku ya Qiyamah. Anasimulia Abu Hurayrah (radhi za Allah zimshukie) kwamba Mtume (rehma na amani juu yake) amesema “Kitu cha mwanzo kitakacho hesabiwa siku ya Qiyamah ni Swalaah...” [Sunnan an Nisaa vol 1, Mlango wa 5, Hadithi ya 467]

Swalaah haipokelewi wala haiwi sahihi mpaka anayeswali awe na twahara. Jaabir ibn ‘Abdallah (radhi za Allaah zimshukie) anasimulia kwamba Mtume wa Allaah (rehma na amani juu yake amesema “Ufunguo wa Pepo ni Swalaah na Ufunguo wa Swalaah hi udhu” [Sunan ibn Majaah Vol 1, Mlango 1, Hadith 4] [Abu Twahir Zubair ‘Ali Za’i amesema hadithi hii ni Hassan]

Inshallah katika makala zijazo tutazungumzia fiqh ya twahara kwa mujibu wa Qur’aan na sunnah iliyosahihi ya Mtume Muhammad rehma na amani juu yake.

MAZINGATIO KATIKA HIJRAH YA MTUME (rehma na amani juu yake)

2011-12-05T03:16:00.000-08:00

Bila shaka wengi wetu tumesoma au kusikia kuhusiana na Hijra(kuhama) ya mtume kutoka Makka na kuelekea Madina. Hapa ndipo ilipo anza tarehe ya kiislamu. Katika safari hii ya mtume kuna mazingatio mengi sana, leo hii tutazungumzia baadhi ya haya mazingatio:

1: Mazingatio ya uhamaji:

Mwenyezi Mungu alitoa idhini kwa Mtume wake na Waumini kuhama toka Makkah kutokana na madhara mbali mbali waliyo kuwa wakiyapata kutoka kwa makafiri wa Kiquraysh. Katika haya madhara ilikuwa ni kuwazuia waislamu kuisimamisha dini yao, wakateswa na kuadhibiwa vikali.

Ndio Allah alipo toa ruksa hii kwa mtume na masahaba wake ili waweze elekea sehemu watakayokuwa na uhuru wa kumuabudu Allah na kusimamisha uislamu pasina ya bughudha zozote.

Maana ya kuhama kisheria haiishii katika kutoka sehemu moja na kuelekea sehemu nyingine, kutoka katika mji mmoja na kuelekea katika mji mwingine. Bali ni kulihama kila lile lililo katazwa na Mwenyezi Mungu ili mja maisha yake yote Yawe ni kwa ajili ya Allah.

Kuyahama madhambi na maasi, kuyahama matamaniyo yenye kumpeleka mja kumuasi Allah, kuzihama sehemu zile unapofanyikia uovu kama vile madanguro, baa, vilabu na mengineyo.

Kuhama kutoka katika ufinyo wa Dunia na kuelekea katika upana wa akhera, hali itakayo mpelekea mja aishi hali ya kujua ya kwamba hapa duniani sio ndio mwisho wa maisha bali kesho akhera kuna maisha ya milele na milele.

2: Subira na yakini ni njia ya kunusuriwa na kumakinishwa:

Baada ya miaka 13 ya kubanwa, kuteswa, kunyanyaswa na kudhulumiwa, muda ambao alio uishi mtume na maswahaba kule Makka,Allah akawaandalia waislamu Ardhi nzuri na kuingiza imani katika nyoyo za Maanswari na kuanza mlolongo wa nusra na kumakinishwa (kuthibitishwa) katika ardhi kwa wale watu walio kuwa na subira na yakini yaani mtume na maswahaba zake.

قال الله تعالي:

إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

Anasema Mwenyezi Mungu Mtukufu:

Hakika bila ya shaka Sisi tunawanusuru Mitume wetu na walio amini katika uhai wa duniani na siku watapo simama Mashahidi [Surat Ghafir:51]

Hakika njia ya kushikamana na dini ya Allah na kuwalingania watu juu ya dini hii ya kweli,ni njia iliyo zungukwa na mitihani mbali mbali na mambo ya kuchukiza

Na baadhi ya nyakati huwa ni mambo yenye kukatisha tama.

Lakini kwa mwenye kusubiri na kuthibiti basi huyo ndiye atakaye faulu kuneemeka na kupata furaha ya kweli ya maisha.

(والله غالب على أمره ولكن أكثر الناس لا يعلمون)

سورة يوس:ف21

Anasema Mwenyezi Mungu Mtukufu:

(Na Mwenyezi Mungu ndiye Mwenye kushinda katika jambo lake, lakini watu wengi hawajui) Surat Yusuf:21

3: Mazingatio ya kumtegemea Allah na kushikamana na kamba (dini) yake:

Kwa hakika safari ya kuhama kwa mtume ilikuwa ni safari iliyo zungukwa na hatari na hata tishio la umauti. Kwani makafiri baada ya kusikia habari za kuhama kwa mtume [rehema na amani ziwe juu yake] waliizunguka nyumba ya mtume wakiwa na mapanga na silaha nyingine wakiwa na nia ya kumuua, kwa hiyo wao walikuwa wakisubiri atakapo toka tu basi wammalize. Lakini kwa uwezo wake Allah [taa’ala] alimsalimisha Mtume wake na kumtoa salama pasina ya makafiri kumuona.

Na pindi alipo ondoka nyumbani kwake na kwenda kujificha pangoni, makafiri wamefika mpaka katika mlango wa pango kiasi kwamba mmoja wao akiangalia chini tuu basi atamuona mtume na Abubakr (radhi za Allah zimshukie) lakini Allah ta’ala akawanusuru mtume na Abubakr.

Vilevile Suraka alipokuwa akimfukuza Mtume (rehma na amani juu yake) mpaka akawa kamkaribia kabisa akawa akisikia kisomo cha mMume, lakini ghafla miguu ya farasi wa Suraka inadidimia chini tena ni sehemu ya mawe! Kisha baada ya hapo linatimuka vumbi kali na kumfanya Suraka asimuone Mtume (rehma na amani juu yake).

Mtume (rehma na amani juu yake) katika hali zote hizi alikuwa ni mwenye kuthibiti na kumtegemea Allah ‘azza wa jall na kuwa na yakini Naye.

Kwani yeye anajua kwa yakini kwamba maadamu Allah ta’ala kaniahidi nusra basi ataninusuru tu.

Hivi ndivyo inavyo kuwa hali ya muumini, vyovyote vile yatakapo mzidia matatizo na mitihani basi hatetereki kwani yeye ajua ahadi ya Allah sub-hanahu wata’ala mbele ya mawalii wake (waja wenye kumuamini Allah na kumtii), na anajua ya kwamba baada ya dhiki ni faraja.

قال الله تعالي:

( فإن مع العسر يسري .إن مع العسر يسرا) سورة الشرح : 5-6

Anasema Mwenyezi Mungu Mtukufu:

(Basi kwa hakika pamoja na uzito upo wepesi. Hakika pamoja na uzito upo wepesi) Surat Asharh:5-6

Allah kasema hakika pamoja na uzito upo wepesi licha ya kwamba kimoja hukitangulia kingine, yaani unaweza kuanza uzito kisha ukaja wepesi, lakini Allah kasema pamoja na uzito upo wepesi kuashiria ya kwamba penye uzito pasi wepesi huja haraka sana mpaka viwili hivyo vikafanywa kama vipo pamoja.

Kwa hiyo mja pindi utapopatwa na uzito juu ya suala fulani la kheri basi usikate tama bali azidi kuchukua sababu na kusubiri faraja ya Allah ambayo ipo karibu naye.

4: Mazingatio juu ya miujiza ya Allah:

Je mshawahi kumuona mtu dhaifu aliye zungukwa na maadui wenye silaha kali, kisha mtu huyu dhaifu anatoka na kuwamwagia maadui mchanga nyusoni mwao na hawamuoni?

Je mshawahi muona buibui anatanda utando wake katika mlango wa pango kwa muda wa saa chache tu?

Je mshawahi ona maadui wanamtafuta adui yao na kupanda mpaka mlimani na kusimama katika mlango wa pango pasina ya hata mmoja wao kujaribu kuangalia kilichomo katika pango?

Je mshawahi muona farasi akikimbia katika ardhi ngumu kisha miguu yake yadidimia kama vile anatembea katika tope? na kutimuka vumbi kali mpaka mbele kukawa hakuonekani?

Je mshawahi muona mbuzi mdogo ambaye hajazaa yakibubujika toka katika kiwele chake maziwa ya kutosheleza idadi ya watu wengi?

Hakika miujiza hii ni dalili tosha juu ya uwezo wa Allah, Na iwapo kama Allah atataka kuwanusuru waumini basi mizani yote hugeuzwa na mambo kwenda tofauti na inavyo fahamika kwa watu.

قال الله تعالي(إنما أمره إذا أراد شيئاً أن يقول له كن فيكون)

سورة يس:82

Anasema Mwenyezi Mungu Mtukufu:

(Hakika amri yake anapo taka kitu ni kukiambia tu: Kuwa! Na kikawa ) Surat Yaasin:82

5: Mazingatio katika Mapenzi:

Anasema Mtume (rehema na amani ziwe juu yake)

(لا يؤمن أحدكم حتى أكون أحب إليه من ولده ووالده والناس أجمعين)

(Hato amini mmoja wenu mpaka anipende kulikoni mtoto wake na mzazi wake na watu wote kwa ujumla)

Mja hawezi kuwa mkamilifu wa imani mmpaka ampende mtume kulikoni watoto zake na wazazi wake. Mapenzi haya ndiyo yaliyo mfanya Abubakr (radhi za Allah ziwe juu yake) alie kutokana na furaha kwa kuungana na Mtume (rehma na amani juu yake) katika safari hii.

Mapenzi haya ndiyo yaliyo mpelekea Abubakr avumilie maumivu ya kugongwa na nyoka pasina ya kutikisika kwa kuwa Mtume kalala juu ya mguu wake, pale walipo kuwa pangoni.

Mapenzi haya ndio yaliyo pelekea Abubakari kutoa mali yake yote kwa ajili ya Mtume na Uislamu kulikoni kutoa katika nafsi yake na familia yake.

Mapenzi haya ndiyo yaliyo wafanya Maanswaari wakawa wakitoka nje ya Madina kila siku kipindi cha joto na jua kali wakimsubiri Mtume huenda akatokea.

Tupo wapi tunaodai kumpenda Mtume hali ya kuwa tukiasi mafundisho ya Allah aliyokuja nayo usiku na mchana na kujiweka mbali na suna zake?

6: Mazingatio katika kujitolea na kujitoa muhanga.

Hakika katuachia Mtume na maswahaba wake kurasa zenye kung`ara juu ya masuala ya kujitolea, sawa iwe ni kujitolea mali au hata nafsi kwa ajili ya kuinusuru dini hii tukufu. Walihama kwa ajili ya Allah pasina ya kujitetea ya kwamba wana watoto wadogo au hawana mali za kuwatosheleza au visingizio vingine. Kwani dunia ilikuwa haina thamani yoyote kwao wao ukilinganisha na Amri ya Mwenyezi Mungu na Mtume wake (rehma na amani ziwe juu yake)

Tukumbuke pindi Ally (radhi za Allah ziwe juu yake) alipolala katika kitanda cha Mtume na kujifunika, hali ya kuwa anajua ya kwamba makafiri wa Kiquraysh wapo nje na mapanga na huenda muda wowote wakaingia na kumpiga mapanga aliye lala katika kitanda kile, kwani kitanda kile kilikuwa ni cha Mtume (salla Llahu alayhi wasallam).

Na tukumbuke pindi familia ya Abubakr walipo kuwa wakiwafanyia Mtume na Abubakr huduma mbali mbali pindi walipokuwa pangoni, bila shaka walikuwa wakijua ya kwamba iwapo kama watagundulika basi huenda wakauwawa na makafiri ,lakini hata hivyo hawakujali.

Hivi ndivyo walivyokuwa vijana wa maswahaba, tupo wapi vijana wa leo na kujitolea huku na kushikamana na na kujivunia Uislamu? Baadhi yetu hata kutekeleza ibada ya swala tu imekuwa ni shughuli ngumu, je tutaweza kujitolea nafsi zetu???

Bila shaka vijana wenzangu kuna haja ya kuzinduka na kubadilisha mwelekeo, tunako elekea siko!

7: Mazingatio juu ya uelevu mbinu na kuchukua sababu.

Alikuwa Mtume (rehema na amani ziwe juu yake) ni mwenye kumtegemea Mwenyezi Mungu, mwenye yakini juu ya nusura yake na mwenye kujua ya kwamba Allah ta’ala ni mwenye kumtosheleza.

Lakini licha ya hayo yote mtume hakuwa ni mtu mwenye kupuuzia na mwenye kufanya mambo kienyeji enyeji. Bali Mtume aliandaa mbinu zilizokuwa ni madhubuti kisha akazitekeleza kwa hali ya usiri wa hali ya juu na umakini.

Kiongozi wa msafara: Muhammad sallaLlahu ‘alayhi wasallam

Msaidizi: Abubakr (radhi za Allah zimshukie)

Mtu wa kujitolea muhanga: Alliy (radhi za Allah zimshukie)

Masuala ya chakula: Asmaa bint Abibakr (radhi za Allah zimshukie)

Masuala ya habari: Abdallahi bin Abibakr (radhi za Allah zimshukie)

Kuwapoteza maadui: Aamir (radhi za Allah zimshukie)

Mtaalamu wa njia: Abdullah bin Ariikat (radhi za Allah zimshukie)

Sehemu ya kukaa kwa muda: Pango la Thawri.

Muda wa kuondoka: Baada ya siku tatu.

Njia ya kupitia: Kando kando ya bahari.

Yote haya ni dalili juu ya werevu, mbinu na hekima za Mtume. Na ndani yake wito kwa umma wa Kiislam juu ya kupangilia mambo yao, kuyafanya kwa umakini na kuandaa sababu za kufanikisha jambo licha ya kumtegemea Allah

Mpitishaji wa sababu mwanzo na mwisho.

8: Mazingatio juu ya Ikhlas.

Alikuwa Abubakr (radhi za Allah ziwe juu yake) akitoa mali zake kwa Mtume (rehma na amani juu yake) na katika ulinganiajia wa dini ya Allah na katika majukumu mbali mbali ya uislamu.

قال الله تعالي(الذي يؤتي ماله يتزكى )سورة الليل:18

Anasema Allah mtukufu kwa kumsifu Abubakar:

(Ambaye hutoa mali yake kwa ajili ya kujitakasa)

Surat Allayli:18

Na katika safari hii Abubakari aliandaa vipandwa kwa gharama zake lakini mtume akamkatalia na kumrudishia thamani yake.

9: Mazingatio juu ya tarehe ya kiislamu:

Waisalamu kuwa na terehe yao ni sehemu miongoni mwa sehemu za utukufu wa waislamu na kutofautiana mila nyingine.

Asili ya kuanzishwa kwa tarehe ya kiislamu ni kipindi cha Umar (radhi za Allah ziwe juu yake). ‘Umar alipata fikra hii ya Waislamu kuwa na tarehe yao itakayo kuwa ikitofautiana na watu wengine. Akawataka ushauri maswahaba je tarehe hii ianzie wapi?

Je tokea kuzaliwa kwa mtume? Au baada ya kupewa utume? au baada ya kuhama? Au baada ya kufariki?

Wakaafikiana ya kwamba tarehe ya kuhama ndilo chaguo munasibu. Kwani kuzaliwa kwake mtume na muda wa kutumwa kwake ni masuala ambayo wanazuoni wametofautiana.

Ama muda wa kufariki kwake bila shake suala hili litapelekea huzuni, kwani hakuna msiba mkubwa zaidi ya kufiwa na Mtume (rehma na amani ziwe juu yake).

Kwahiyo Allah akawaongoza maswahaba juu ya kuchagua tarehe hii ya kuhama kwa Mtume.

Na waislamu wakashikamana nayo karne baada ya karne mpaka kufika muda huu ambao waislamu tumekuwa hatuzingatii tarehe yatu wala kuitilia umuhimu.Baadhi yetu tumekuwa hatuikumbuki tarehe hii isipokuwa mwezi wa Ramadhan au miezi ya Hijja.

Twamuomba Allah aturudishe katika dini yake na atutengenezee mambo yetu ,kwani Yeye juu ya kila jambo ni Muweza.

MWAKA MPYA WA KIISLAMU(1433)

2011-11-27T03:36:00.000-08:00

Tarehe 26/11/11 ni siku inayoafikiana na tarehe moja ya mwezi Muharram, yaani mwezi wa kwanza wa kiislamu, kwa hiyo tumeingia mwaka mpya wa kiislamu.Tumetoka katika Mwaka wa 1432 na tumeingia 1433.

Idadi ya miaka hii ni tokea kuhama kwa mtume kutoka Makka na kuelekea Madina. Bila shaka kuna mazingatio makubwa sana juu ya kuhama Huku kwa mtume, mazingatio ambayo tutayazungumzia InshaaAllah.

Waislamu hatuna sherehe maalumu ndani ya siku hii inayo tambulika kisheria tokea enzi za mtume, masahaba zake na mpaka hivi sasa. Bali siku hii huadhimishwa kwa kukumbuka kipindi hiki ambayo baada yake uislamu ulipata dola ya kujitegemea na waislamu kuwa na uhuru wa kufanya watakavyo tofauti na kipindi walichokuwa Makkah. Yaani dola ya Uislamu wa umma huu wa Mtume Muhammad ilianza tarehe 1/1/1 Hijria baada ya Waislamu kuhamia Madinah.

Vile vile tukio hili latuzindua Juu ya suala zima la wakati. Kwani kadiri miaka inavyosonga mbele ndivyo umri wetu unavyo zidi isha na hivyo kuukaribia umauti, tofauti na watu wa mila nyingine ambayo wao hudhani kuwa hii ni siku wa kufanyiwa sherehe. Waislamu kwetu hii ni siku wa kutafakari juu ya tunchozidi kukikaribia, yaani mauti.

Vile vile tukio hili latukumbusha fadhila za Allah juu yetu kwa kutuweka hai mpaka muda huu, kwani ndugu zetu wangapi tulikuwa nao na hivi sasa hatupo nao? Na wao kabla ya kufika siku yao hawakuwa wakitarajia kuwa leo wasingekuwa na sisi.

Je tumetoa fidia yoyote kwa Allah ta'ala mpaka katuacha hai hadi hivi sasa? Bila shaka hizi ni katika fadhila za Allah juu yetu, fadhila ambazo hatuna budi kumshukuru Allah kwa kufuata muongozo wake na kujiepusha na kumuasi. Vile vile hii ni fusra kwetu sisi kutubia juu ya madhambi tuliyo yatanguliza na kuanza ukurasa mpya na Allah 'azza wa jall.

Anasema Ibun Masu'ud radhi za Allah ziwe juu yake:

(ما ندمت على شيء ندمي على يوم غربت شمسه، نقص فيه أجلي، ولم يزدد فيه عملي)

(Sijawahi kusikitika juu ya kitu kulikoni masikitiko yangu juu ya siku ambayo limezama jua lake, umepungua umri wangu, na wala matendo yangu hayajazidi)

Na anasema Abu al Hasan al Basriy (Allah amrehemu):

(يا ابن آدم إنما أنت أيام معدودة إذا ذهب يوم ذهب بعضك)

(Ewe binadamu hakika wewe ni siku zenye kuhesabika, pindi inapo ondoka siku basi juwa wazi ya kwamba imeondoka sehemu yako [katika muda wako wa kuishi]).

Haya ndugu zanguni hii ni fursa nyingine katika umri wetu, tuitumie vilivyo fursa hii na wala tusiichezee. Kwani hatujui iwapo kama mwaka mwingine tutakuwa bado tupo hai.

Ewe Allah tuwafikishe katika yale unayo yapenda na kuyaridhia.

YAA UKHTA HAARUN!

2011-10-24T05:28:00.000-07:00

EWE DADA YAKE HAARUN - QUR’AAN 19:28

UTANGULIZI

Shukrani zote zinamsatahiki Mwenyezi Mungu Mola mlezi wa viumbe wote, Rehma na amani zimshukie Mtume Muhammad na ali zake na Sahaba zake pamoja na wote wenye kufuata mwenendo wake mpaka siku ya mwisho.

Wenye kuipinga Qur’aan hutoa madai kuhusu aya hii kwamba: Qur'aan inamwita Maryam Ukhta Haarun (Dada yake Haarun) wakati watu wawili hawa hawakuishi wakati mmoja, yaani wamepishana miaka takriban 2000. Kwa hiyo Qur’aan imefanya kosa la Kihistoria.

Lengo la makala hii ni kuthibitisha kuwa Qur’an hapa haikufanya kosa bali wenye madai haya ama hufanya makusudi kwa lengo la kupotosha ukweli au hawakuelewa aya hii.

UFAFANUZI

Mwenyezi Mungu anatuambia katika Qur’aan tukufu aya ya 19:28 ninanukuu

يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيًّا

Ewe dada yake Haarun! Baba yako hakuwa mtu muovu, wala mama yako hakuwa kahaba.
Aya hii ilikuwa ni jibu kwa Mayahudi wa Jerusalem wakati huo ambao walimsingizia mwanamke mkamilifu kuliko wanawake wote, yaani Maryam Bint Imraan (‘alayha salam) kuwa ni mzinifu kutokana na ujauzito wa kimiujiza wa Isa Bin Maryam (Amani iwe juu yake), ambaye ni Mtume wa Mwenyezi Mungu. Bila ya shaka ilikuwa ni faraja kubwa kwa Maryam kwamba Mwenyezi Mungu mwenyewe kamtakasa (kamsafisha kutokana na madai ya uongo), na sio katakaswa yeye tu, bali hata wazazi wake walikuwa ni watu wema, wakweli na wacha Mungu, na pia inshallah tutaona huko mbele kuwa kwa kumwita Ukhta Haarun hata uzao (lineage) wake unatakaswa.

Historia imethibiti kwamba Maryam na Haarun ni watu walioshi katika nyakati tofauti, wakiwa Duniani hawakuwahi kukutana. Kwa hiyo undugu kwa maana ya kawaida hauwezekani kuwepo baina yao. Lakini inshallah pia tutathibitisha kuwa kuna sababu nzito zilizopelekea Qur’aan kumwita Maryam dada yake Haarun.

Kwanza ni nani Haarun na Nani Maryam?

Maryam kama tulivyosema hapo awali ni Mama yake Issa, anatokana na ukoo wa ‘Al Imraan, Qur’aan umeutaja kuwa ni ukoo wenye daraja kubwa (pamoja na ukoo wa Ibrahim) kisha Qur’aan imemtaja Maryam kuwa ni mwanamke aliyetakaswa kisha akatoharishwa na kuwa ni mwanamke bora kuliko wanawake wote Duniani.

Kwa upande wa Haarun ('alayhi salam), yeye alikuwa kaka yake Musa('alayhi salam), wote wawili walikuwa ni Mitume walisaidiana katika “vita” dhidi ya Fir’aun na alipokufa Musa, yeye aliendeleza kazi ya kujaribu kuwaongoa Bani Israil na alipokufa kazi yake iliendelezwa na Yu’sha Bin Noon (amani ya imshukie) ambaye nae alikuwa Mtume aliyetajwa kwenye hadithi, Ni muhimu kuzingatia kutokana na maelezo nitakayotoa mbele kuwa Haarun alikuwa ni mkubwa kuliko Musa.

Mada

Mada kuu ni kwa nini Qur’aan inamwita Maryam dada yake Haarun wakati sio tu hawakazaliwa pamoja lakini pia wameishi nyakati tofauti kabisa.

Qur’aan imebadili mambo mengi ikiwa ni pamoja na maana ya maneno katika lugha ya kiarabu. Kwa mfano kabla ya kuja kwa Mtume Muhammad (salla Llahu 'alayhi wasallam) kwa Waarabu neno 'Swalaah' (sala) ilikuwa na maana sawa na 'Du'aa', yaani maombi yoyote kwa Mwenyezi Mungu. Baada ya Uislamu wa Ummati Muhammad kuanza neno Swalaah (sala) katika lugha ya kiarabu likabadilika maana na kuwa ni ibada maalum inayotanguliwa na nia na kuanza kwa takbir ya kuhirimia na kuishia na salam. Ndani yake ina rakaa kadhaa (kulingana na sala ipi unayosali yaani alfajiri, alasiri, isha n.k) na kila rakaa ina rukuu na sujudu mbili, pia ina tasibhi mbali mbali, Surat Al Fat-ha na sura nyingine.

Kwa hiyo leo ukimuambia muarabu, kwa maana katika suala la kilugha Du'aa (anaelewa ni maombi ya aina yoyote kwa Mungu) na “Swalaah” anajua maana yake ni hiyo nilioeleza hapo juu.

Neno kaka au dada [akhi kwa mwanamme na ukhta au ukht kwa mwanamke] limeandikwa katika Qur’aan kiasi mara 57, hii ni kuonesha namna gani Qur’aan inasisitiza sana katika suala la undugu. Sasa undugu wa ajabu zaidi ya ule undugu wa Harun na Maryam upo sehemu mbili:

UNDUGU KATIKA DINI

Qur’aan 49:10

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

Hakika Waumini ni ndugu, basi patanisheni baina ya ndugu zenu, na mcheni Mwenyezi Mungu ili mrehemewe.

Sasa kama Tunashangaa kuwa Maryam ni dada yake Haarun, nadhani Tutashangaa zaidi kuwa hata Shith (‘alayhi salam) ambaye ni mtoto wa Nabii Adam ('alayhi salam) ni ndugu wa Muhammad (rehma na amani juu yake) kwa vile waumini wowote ni ndugu.

Kwa hiyo undugu wa Haarun na Maryam ni undugu wa kiislamu na sio undugu wa damu, ushahidi ndio huo kuwa waislamu wote ni ndugu, ni kama vile kwenye mijadala ya mlinganyo wa kidini (hasa katika lugha ya kiingereza) Mayahudi na Waarabu huitwa cousins) kutokana na Ismail na Is-haaq. Au tukumbuke pale Mtume Muhammad (rehma na amani juu yake) alipowaita Ma-answari “Enyi watoto wa Isma’il” kwa vile makabila ya Ma-answari yaani Al Aus na Al Khazraj yanatokana na kizazi cha Is’mail (‘alayhi salam).

Kwa hiyo katika Uislamu kuna undugu wa aina mbili:

1. Undugu katika Dini (ushahidi ni aya 49:10)

2. Undugu wa kuzaliwa.

Undugu wa Dini katika Uislam ni muhimu na bora zaidi kuliko undugu wa damu. Ndio maana waislamu huwa tunaitana akhii au ukhti wakati mwingi tunapozungumza hata kama hamjuani ili mradi nyote ni waislamu.

UNDUGU WA UZAO (LINEAGE)

Hiyo ndio sababu ya Msingi na ya kwanza, Pili katika Uislamu tunaamini kuwa Mitume yote ina lineage moja (yaani ni ndugu wa kuzaliwa kwa mlolongo wa wazazi) Ndio maana Mayahudi wanajaribu sana kumkataa kataa Isma’il kwa sababu wanajua kuwa wakukibali kuwa Ismail nae ni mcha Mungu na pia ni kizazi "halali" cha Nabii Ibrahim ('alayhi salam) kutakuwa hakuna sababu ya kumkataa Muhammad katika suala la uzao, pia hujaribu kukataa kwamba jangwa aliloachwa Ismail na mama yake Hajira sio Makkah. Lakini bahati mbaya hata Biblia imeitaja Makka kwa dalili nyingi tu kuwa ndio jangwa alilowachwa Isma’il, nimegusia masuala haya ili tujue kuwa wasomi katika Dunia ya leo wanalifahamu hilo.

Kwa hiyo sasa kwa vile Qur’aan ilikuwa inataja walivyotakasika wazazi wa Maryam pia imejaribu kutoa mwangaza (hint) kwamba kutakasika kwa lineage ya Maryam kumeanzia kwenye ukoo wa Haarun, sio tu Baba na Mama. Kwa hiyo mpaka hapa tunapata kwamba undugu wenyewe ni wa Kiislamu na sababu ya kutajwa kwa Haarun ni kutakasika kwa uzao wake kutoka vizazi vya nyuma, sasa hakutajwa Musa ('alayhi salam) kwa sababu Haarun ni mkubwa wake wa kuzaliwa, pamoja na kwamba Musa alipewa utume mwanzo na pia utume wa Musa ulikuwa na hadhi ya juu kwa sababu yeye ni rusul (amepewa kitabu ambacho ni Tawraat) na kaka yake alikuwa ni Nabii tu.

Kwa hiyo kimantiki ameingia Haarun kuonesha namna kutakasika kwa Maryam kulivyoanzia mbali mno sio tu kwa Baba na Mama, sasa kwa nini iwe Haarun?

KWA NINI HAARUN?

Mayahudi wa wakati huo walokuwa wanajifanya kwamba wao ni wenye kufuata taurati, tena wanampenda sana Musa, kwa hiyo wanatajiwa Haarun kwa vile Huyo ni kaka yake Musa, yaani wanakumbushwa kwamba kama nyinyi kweli mnamfuata Musa basi na huyu nae ni dada yake kiukoo (uzao), kwa nini mumsingizie uzinifu?

Kwa hiyo sasa naamini tunapata picha kwa nini Qur’aan inamwita Maryam Binti ‘Imraan, Ukhta Haarun! Lakini pamoja na yote hayo maskini mayahudi waliendelea kumkataa Issa na kumsingizia uzinifu Maryam!

UTUKUFU WA UZAO KWA MAYAHUDI NA WAARABU

Tatu: Qur’aan inamtaja Maryam kama ukhta Haarun kwa vile makabila mawili ambayo ni Binamu (Bin ‘ammi), Waarabu na Mayahudi wana tabia ya kutafuta utukufu kwa kufuata ukoo. Kwa hiyo kwa mfano miongoni mwao ni jambo lililozoeleka kuitana kwa mfano Yaa Ukhta Tamim kwa mwanamke anayetokana na ukoo wa Bani Tamim au Yaa Ukhta Mudar kwa mwanamke aliyetokanana na kabila la Mudari. Hivyo kiukweli kwa waarabu na Mayahudi hili si jambo la kushangaza ila kwa sisi waswahili ambao hatujui hata majina ya vizazi vitano katika koo zetu ni lazima tushangae. Nikumbushe tena kuwa Mtume salla Llahu ‘alayhi wasallam aliwahi kuwaita Al Aus na Al Khazraj watoto “Enyi watoto wa Is’mail.

HITIMISHO

Hizo ndio sababu tatu kuu na za msingi kwa Qur’aan kumwita Maryam ukhta Haarun. Maneno kama haya ya kukumbusha undugu si jambo geni katika Qur’aan, kwa mfano Mussa alipomkamata Haarun akiwa na Hasira baada ya kurudi akitoka kuchukua amri kumi na kuwakuta Mayahudi wakiabudu sanamu la mnyama lililotengenezwa na As Saamirii, Harun alimwita mdogo wake Yaa Ibn Ummi, Yaani Ewe mtoto ya Mama yangu, akijaribu kutuliza hasira za Musa kwa kutumia undugu, kweli kabisa kauli ile ilimrudishia upole Musa. Hizi si miongoni mwa busara na hulka za kiswahili kwa hiyo sisi huwa tunapata taabu kuelewa mambo kama haya, lakini ni busara zilizotumika na kunakiliwa katika Qur’aan tukufu. Na Allah ndiye mjuzi zaidi.

Baadhi ya Du'aa za Kumuombea aliyetangulia mbele ya haki

2011-10-05T01:35:00.000-07:00

Du’aa katika Qur’aan na Sunnah ambazo mtoto anaweza kumuomba mzazi wake aliyetangulia mbele ya haki pamoja na kuwaombea maiti wengine waislamu:

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَاب

Rabbana-ghfir liy waliwaalidayya walil Mu-uminiyna yawma yaquumul hisaab.

“Mola wetu! Unighufirie mimi na wazazi wangu wote wawili, na Waumini, siku ya kusimama hisabu” (Ibraahiym: 41)

رَّبِّ ارْحَمْهُمَا كَمَا رَبَّيَانِي صَغِيرًا

Rabbir-hamhumaa kamaa rabbayaaniy swaghiyraa.

“Mola wangu! Warehemu kama walivyonilea utotoni.” (Al-Israa: 24)

رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالإِيمَانِ وَلاَ تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ

Rabbanaghfir lanaa wa liikhwaaninal-ladhiyna sabaquunaa bil Iymaani wa laa Taj’al fiy quluubinaa ghillal-lilladhiyna aamanuu Rabbannaa Innaka Rauufur-Rahiym.

“Mola wetu! Tughufirie sisi na ndugu zetu waliotutangulia kwa Iymaan, wala Usijaalie ndani ya nyoyo zetu undani kwa walioamini. Mola wetu Mlezi! Hakika Wewe ni Mpole na Mwenye kurehemu.” (Al-Hashr: 10)

رَبِّ اغْفِرْ لِي وَلِوَالِدَيَّ

Rabbighfir liy waliwaalidayya

“Mola wangu Mlezi! Nighufirie mimi na wazazi wangu.” (Nuuh: 28)

اَللَّهُمَّ اغْفِرْ لِلْمُؤمِنِينَ وَاْلمُؤمِنات وَالْمُسْلِمِينَ وَالْمُسْلِمات اَلأَحْيَاءِ مِنْهُمْ وَالأَمْوَات

Allaahumma-Ghfir lil-Muuminiyna wal-Muuminaat wal-Muslimiyna wal-Muslimaat, al-ahyaai minhum wal-amwaat

Ewe Mwenyezi Mungu Waghufurie Waumini wanaume na Waumini wanawake, Na Waislamu Wanaume na Waislamu wanawake, Waliohai miongoni mwao na waliokufa.

Du’aa iliyothibiti katika Sunnah ya kumuombea maiti katika sala ya maiti au wakati wowote mwingine

اللهُـمِّ اغْفِـرْ لَهُ وَارْحَمْـه ، وَعافِهِ وَاعْفُ عَنْـه ، وَأَكْـرِمْ نُزُلَـه ، وَوَسِّـعْ مُدْخَـلَه ، وَاغْسِلْـهُ بِالْمـاءِ وَالثَّـلْجِ وَالْبَـرَدْ ، وَنَقِّـهِ مِنَ الْخطـايا كَما نَـقّيْتَ الـثَّوْبُ الأَبْيَـضُ مِنَ الدَّنَـسْ ، وَأَبْـدِلْهُ داراً خَـيْراً مِنْ دارِه ، وَأَهْلاً خَـيْراً مِنْ أَهْلِـه ، وَزَوْجَـاً خَـيْراً مِنْ زَوْجِه، وَأَدْخِـلْهُ الْجَـنَّة ، وَأَعِـذْهُ مِنْ عَذابِ القَـبْر وَعَذابِ النّـار

Allaahumma-Ghfir-lahu war-ham-huu, wa 'Aafihi wa'afu 'anhu, wakrim nuzulahu, wa-Wassi' mudkhalahu, wa-Ghsil-hu bil-maai wath-thalji wal-Barad, wa Naqqihi minal-khatwaaya kamaa Naqqayta-th-thawabal-abyadhw Minad-danas, wa-Abdil-hu daaran khayran min daarihi, wa ahlan khayran min ahlihi, wa zawjan khayran min zawjihi, wa-Adkhil-huul-Jannata, wa A'idh-hu min 'adhaabil-Qabr wa 'adhaabin-Naar

“Ee Mwenyezi Mungu Msamehe na Umrehemu na Umuafu na Msamehe na Mtukuze kushuka kwake (kaburini) na Upanue kuingia kwake, na Muoshe na maji na kwa theluji na barafu na Mtakase na makosa kama Unavyoitakasa nguo nyeupe kutokana na uchafu, na Mbadilishie nyumba bora kuliko nyumba yake, na jamaa bora kuliko jamaa zake, na mke bora kuliko mke wake, na Muingize Peponi na Mkinge na adhabu ya kaburi (na adhabu ya moto).

FUNGA ZA SUNNA

2011-10-02T10:37:00.000-07:00

Duniani ni sehemu ya kuchuma pasipo na hesabu na kesho, siku ya mwisho ni hesabu pasipo ya kuchuma. Kwa hiyo inatakiwa muumini azitumie fursa mbali mbali ili kuhakikisha ya kwamba siku ya mwisho hesabu yake mbele ya Allah anakuwa ni nyepesi.

Sasa ni mwezi mmoja na siku chache tangu kumalizika kwa mwezi mtukufu wa Ramadhani, mwezi ambao tumeonja ladha za ibaada, ikiwemo ibaada ya funga.

Tukumbuke ya kwamba ibada yafunga si mwezi mtukufu wa Ramadhani na sitatush shawwaal tu bali kuna funga nyingine ambayo ni sunna kuzifunga na kuweza kujipatia malipo ya hali ya juu.

Mtume rehma na amani ziwe juu yake anatueleza katika hadithi Al Qudsy iliyo pokelewa na Abu Hurayra (Allah amridhie)

عَنْ أَبِيْ هُرَيْرَةَ رَضِيَ الْلَّهُ عَنْهُ قَالَ : قَالَ رَسُوْلُ الْلَّهِ - صَلَّىَ الْلَّهُ عَلَيْهِ وَسَلَّمَ - إِنَّ الْلَّهَ قَالَ: مَنْ عَادَىْ لِيَ وَلِيا فَقَدْ آَذَنْتُهُ بِالْحَرْبِ ، وَمَا تَقَرَّبَ إِلَيَّ عَبْدِيَ بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ ، وَمَا يَزَالُ عَبْدِيَ يَتَقَرَّبُ إِلَيَّ بِالْنَّوَافِلِ حَتَّىَ أُحِبَّهُ ، فَإِذَا أَحْبَبْتُهُ كُنْتُ سَمْعَهُ الَّذِيْ يَسْمَعُ بِهِ ، وَبَصَرَهُ الَّذِيْ يُبْصِرُ بِهِ ، وَيَدِهِ الَّتِيْ يَبْطِشُ بِهَا ، وَرِجْلَهُ الَّتِيْ يَمْشِيَ بِهَا ، وَإِنْ سَأَلَنِيْ لَأُعْطِيَنَّهُ ، وَلَئِنْ اسْتَعَاذَنِيْ لَأُعِيْذَنَّهُ (رَوَاهُ الْبُخَارِيُّ)

Yule atakaye mfanyia uadui walii wangu {mtu mwenye kumuamini Allah na kumcha} basi mtu huyo nimemtangazia vita. Na mja wangu hawezi jikurubisha Kwangu kwa kitu ambacho ni chenye kupendeza zaidi kwangu kulikoni kuyafanya yale ambayo nimemfaradhishia. Na mja wangu hato acha kuwa ni mwenye kujikurubisha kwangu kwa sunna mpaka ninampenda. Na nikimpenda nitakuwa ni sikio lake analo litumia katika kusikia, na jicho lake analo litumia katika kutizama na mkono wake anao utumia katika kugusa ,na mguu wake anao utumia kutembelea, na iwapo kama ataniomba basi nitampatia kile anacho kiomba, na iwapo kama atataka ulinzi kwangu basi nitamlinda)

Hadithi imepokelewa na Imamu Bukhari

Hadithi hii inatujulisha ya kwamba hakuna jambo lililokuwa muhimu zaidi na lenye ulazima kuliko yote katika kuyatekeleza yale ambazo Allah katufaradhishia, na mja iwapo atajitahidi katika mambo ya sunna basi Allah ta’ala atampenda, na kumuwafikisha katika masikio yake, macho yake,mikono yake, miguu yake na kuwa nae na kumjibu dua zake na kumkinga na shari mbali mbali. Kwa hiyo mja huyu atakuwa haoni isipokua yale ambayo Allah anayapenda na hasikilizi isipokuwa yale ambayo Allah anayapenda n.k. Ni uzuri na ni furaha iliyoje kupendwa na Allah Muumba wa ulimwengu na vilivyomo, mlezi wa waja na mfalme wa wafalme?

Vile vile katika hadithi iliyo pokelewa na Abii Saidi-Allah amridhie-anasema:Nimemsikia mjumbe wa Allah-Rehema na amani ziwe juu yake- akisema:

عَنْ أَبِيْ سَعِيْدٍ رَضِيَ الْلَّهُ عَنْهُ قَالَ: سَمِعْتُ الْنَّبِيَّ صَلَّىَ الْلَّهُ عَلَيْهِ وَسَلَّمَ يَقُوْلُ: (مَنْ صَامَ يَوْما فِيْ سَبِيِلِ الْلَّهِ، بَعُدَ الْلَّهُ وَجْهَهُ عَنْ الْنَّارِ سَبْعِيْنَ خَرِيْفا). وَوَاهٍ الْبُخَارِيُّ وَمُسْلِمٌ

(Yule mwenye kufunga siku moja kwa ajili ya njia ya Allah, Allah atauweka mbali uso wake na moto muda wa miaka sabini) Hadithi imepokelewa na Bukhari na Muslimu.

Ni nani miongoni mwetu asiye tamani kuwekwa mbali na moto wa jahannam? Bila shaka hakuna.

FUNGA AMBAZO NI SUNNA

1: KUFUNGA SITA KATIKA MWEZI WA SHAWWAAL:

Siku sita hizi waweza zifunga mfululizo au kwa kupumzika.

Vile vile Unaweza zifunga mwanzoni katikati au mwisho, vyovyote vile suala muhimu ni kuzikamilisha.

Imesimuliwa kutoka kwa Abi Ayubu Al Answariy-Radhi za Allah ziwe juu yake-Hakika mjumbe wa Allah-Rehema na Amani ziwe juu yake kasema:

(Mwenye kufunga Ramadhani kisha akafuatisha siku sita basi atakuwa ni kama vile kafunga mwaka mzima) Hadithi imepokelewa na Muslimu.

Atakuwa ni kama vile kafunga mwaka kivipi?

Jema moja linalipwa kwa thawabu :10

Kwa hiyo siku thelathini itakuwa ni kama ifuatavyo:

30 x10 = 300 ukijumlisha siku sita za mwezi wa shawali:

6 x 10 = 60.

300 + 60 = 360

Na mwaka wa kiislamu una siku 360.

2:KUFUNGA SIKU NA KUPUMZIKA SIKU:

Funga hii ni funga iliyokuwa bora zaidi katika funga za sunna.

Imepokelewa kutoka kwa Abdullahi Ibun Amru Ibun Al Aaswi-Radhi za Allah ziwe juu yake na baba yake-Hakika ya Mtume-swalla Allahu alayhi wassalama-kasema:

عَنْ عَبْدِالْلَّهِ بْنِ عَمْرِوٍ ابْنِ الْعَاصِ – رَضِيَ الْلَّهُ عَنْهُمَا– أَنَّ رَسُوْلَ الْلَّهِ صَلَّىَ الْلَّهُ عَلَيْهِ وَسَلَّمَ قَالَ: (إِنَّ أَحَبَّ الصِّيَامِ إِلَىَ الْلَّهِ صِيَامُ دَاوُدَ . وَأُحِبُّ الصَّلَاةَ إِلَىَ الْلَّهِ صَلَاةُ دَاوُدَ . كَانَ يَنَامُ نِصْفَ الْلَّيْلِ ، وَيَقُوْمُ ثُلُثَهُ . وَيَنَامُ سُدُسَهُ . وَكَانَ يَصُوْمُ يَوْما وَيُفْطِرُ يَوْما) مُتَّفَقٌ عَلَيْهِ

(Hakika funga inayo pendeza zaidi mbele ya Allah,ni funga ya nabii Dawdi-Alayhi salaamu-.Na swala inayo pendeza zaidi mbele ya Allah ni swala ya Dawdi-Alayhi salaamu-.Alikuwa akilala nusu ya usiku na kusimama[katika ibaada] theluthi yake,na analala sudusi yake[moja ya sita].Na alikuwa akifunga siku na kufuturu siku) Hadithi imepokelewa na Bukhari na Muslimu.

3:KUFUNGA SIKU TATU KATIKA KILA MWEZI:

Siku tatu hizi ni siku zinazo julikana kwa jina la Ayyaam ul baydh (masiku meupe). Siku hizi ni tarehe 13,14 na 15 katika mwezi wa kiislam ya Hijra.

Kama ilivyo simuliwa kutoka kwa Ibn Milhaan - radhi za Allah ziwe juu yake anasema:

وَعَنْ ابْنِ مِلْحَانَ رَضِيَ الْلَّهُ عَنْهُ قَالَ:(كَانَ رَسُوْلُ الْلَّهِ صَلَّىَ الْلَّهُ عَلَيْهِ وَسَلَّمَ يَأْمُرُنَا أَنْ نَصُوْمَ الْبِيْضَ ثَلَاثَ عَشْرَةَ وَأَرْبَعَ عَشْرَةَ وَخَمْسَ عَشْرَةَ قَالَ: وَقَالَ: هُنَّ كَهَيْئَةِ الْدَّهْرِ) رَوَاهُ أَبُوْ دَاوُدَ

(Alikuwa mtume-Rehma na Amani ziwe juu yake-Akituamrisha kufunga Al Biydh (masikku meupe) kumi na tatu, kumi na nne na kumi na tano, na akasema:masiku haya ni kama mwaka [yaani mwenye kufunga masiku haya ni kama vile kafunga mwaka/anapata thawabu za kufunga mwaka mzima])

Hadithi imepokelewa na Abu Dawdi.

Na amri iliyo pokelewa katika hadithi ni ya sunna na wala si ya ujuub (uwajibu na ulazima).

4:KUFUNGA SIKU TISA ZA MWANZO WA MWEZI WA DHUL HIJJA:

Kuanzia mwanzo mpaka siku ya tisa ambayo ndio siku ya Arafa.

Kapokea imamu Bukhari hadithi iliyo simuliwa na Ibn Abbas - radhi za Allah ziwe juu yake -k utoka kwa mtume -rehma na amani ziwe juu yake, anasema:

رَوَىَ الْبُخَارِيُّ فِيْ صَحِيْحِهِ مِنْ حَدِيْثِ ابْنِ عَبَّاسٍ رَضِيَ الْلَّهُ عَنْهُمَا عَنْ الْنَّبِيِّ - صَلَّىَ الْلَّهُ عَلَيْهِ وَسَلَّمَ - قَالَ:( مَا مِنْ أَيَّامٍ الْعَمَلُ الْصَّالِحُ فِيْهَا أَحَبُّ إِلَىَ الْلَّهِ مِنْ هَذِهِ الْأَيَّامِ -يَعْنِيْ الْأَيَّامِ الْعَشْرِ-قَالُوْا يَا رَسُوْلَ الْلَّهِ وَلَا الْجِهَادُ فِيْ سَبِيِلِ الْلَّهِ؟قَالَ وَلَا الْجِهَادُ فِيْ سَبِيِلِ الْلَّهِ إِلَّا رَجُلٌ خَرَجَ بِنَفْسِهِ وَمَالِهِ ثُمَّ لَمْ يَرْجِعْ مِنْ ذَلِكَ بِشَيْءٍ)

(Hakuna masiku ambayo matendo mema ndani yake ni yenye kupendeza zaidi mbele ya Allah kulikoni masiku haya [masiku kumi] Maswahaba wakauliza: Ewe Mtume wa Allah wala jihadi kwa ajili ya njia ya Allah? Mtume akajibu: wala jihadi kwa ajili ya njia ya Allah, isipokuwa kwa yule aliye toka na nafsi yake na mali yake kisha kikawa hakijarudi chochote katika hivyo)

Funga ni katika matendo mazuri na yenye kupendeza mbele ya Allah. Kwa hiyo ni juu ya mja kuitumia fursa ya masiku haya kwa kufunga na kufanya amali nyingine zilizokuwa njema na kuridhiwa mbele ya Allaah.

5:KUFUNGA SIKU YA ARAFA:

Siku ya arafa ni siku ya tisa ya mwezi wa Dhul hijja,siku ambayo mahujaji wanakuwa wamesimama katika viwanja vya arafa.Kwa yule ambaye hakushiriki katika ibaada hii ya hijja ni suna kwake kufunga siku hii.

Kapokea imamu Tirmidhiy hadithi iliyo simuliwa na Abu Katada-Radhi za Allah ziwe juu yake-anasema:

رُوِيَ الْامَامِ الْتِّرْمِذِيُّ عَنْ أَبِيْ قَتَادَةَ الْأَنْصَارِيِّ رَضِيَ الْلَّهُ عَنْهُ أَنَّ رَسُوْلَ الْلَّهِ سُئِلَ عَنْ صَوْمِ يَوْمِ عَرَفَةَ ، فَقَالَ : (يَكْفُرْ الْسَّنَةَ الْمَاضِيَةَ وَالْسَّنَةَ الْقَابِلَةِ)

Mtume (rehma na amani ziwe juu yake) aliulizwa juu ya funga ya siku ya arafa akajibu: (Inafuta madhambi ya mwaka ulio pita na mwaka ujao)

Na kufutiwa madhambi huku ni iwapo kama mja atakuwa kajiepusha na madhambi makubwa kama vile kuuwa, uchawi, ulevi, uzinzi na mengineyo. Kwani madhambi haya huhitaji toba maalum.

6: KUFUNGA SIKU YA ‘ASHURAA:

Siku ya ‘Ashuraa ni siku ya kumi ya mwezi wa muharram (mwezi wa kwanza wa kiislam).

Ni sunna kufunga siku hii

Imepokelewa kutoka katika Musnadi ya Imamu Ahmad-Rahimahu LLAH- ya kwamba:

وَفِيْ مُسْنَدِ الْإِمَامِ احْمَدُ " أَنَّ الْنَّبِيَّ مَرَّ بِأُنَاسٍ مِنْ الْيَهُوْدِ قَدْ صَامُوَا يَوْمَ عَاشُوْرَاءَ فَقَالَ مَا هَذَا مِنْ الْصَّوْمِ قَالُوْا هَذَا الْيَوْمِ الَّذِيْ نَجَّى الْلَّهُ عَزَّ وَجَلَّ فِيْهِ مُوْسَىْ عَلَيْهِ الْسَّلامُ وَبَنِيَّ إِسْرَائِيْلَ مِنْ الْغَرَقِ ، وَغَرَّقَ فِيْهِ فِرْعَوْنَ ، وَهَذَا يَوْمٌ اسْتَوَتْ فِيْهِ السَّفِيْنَةُ عَلَىَ الْجُوْدِيِّ ، فَصَامَ نُوْحٌ وَمُوَسَى عَلَيْهِمَا الْسَّلامُ شُكْرَا لِلَّهِ عَزَّ وَجَلَّ فَقَالَ الْنَّبِيُّ : "أَنَا أَحَقُّ بِمُوْسَى وَأَحَقُّ بِصَوْمٍ هَذَا الْيَوْمِ فَأَمَرَ أَصْحَابَهُ بِالْصَّوْمِ"

Hakika ya mtume (salla Allahu alayhi wasallam) Alipita kwa watu miongoni mwa Wayahudi ambao walikuwa wamefunga siku ya ‘Ashuraa. Akawauliza siku hii ina munasaba gani na funga? Wakasema: Hii ndio siku ambayo Allah ‘azza wajall alimuokoa Musa (amani iwe juu yake) Na banu Israil dhidi ya kuzama. Na akamzamisha Fir’aun. Na hii ndio siku ambayo Safina (ya nabii Nuh) ilitulia katika mlima wa Judiy. Nabii Nuhu akafunga na nabii Musa pia (Alayhima ssalaam) Kwa kumshukuru Allah ‘azza wajall. Mtume akasema: (Mimi ndio mwenye haki juu ya Musa na ndio mwenye haki ya kufunga siku hii).

Akawaamrisha maswahaba wake kufunga. Lakini amri yenyewe si ya uwajibu bali ni ya sunna.

Vile vile imepokewa na Imamu Muslimu hadithi iliyo simuliwa na swahaba wa Mtume Abu Katada (radhiya Allah anh) kasema:

وَفِيْ صَحِيْحِ مُسْلِمٍ عَنْ أَبِىْ قَتَادَةَ أَنَّ رَجُلا سَأَلَ الْنَّبِيَّ عَنْ صِيَامِ عَاشُوْرَاءَ فَقَالَ احْتَسِبْ عَلَىَ الْلَّهِ أَنْ يُكَفِّرَ الْسَّنَةَ الَّتِيْ قَبْلَهُ

Mtu mmoja alimuuliza Mtume juu ya funga ya siku ya ‘Ashuraa. Mtume akamjibu: (Ninatarajia Allah atasamehe madhambi ya mwaka ulio pita) Iwapo kama mja atajiepusha na madhambi makubwa.

Vile vile ni bora kwa mja kufunga siku ya tisa na ya kumi au ya kumi na kumi na moja kwa ajili ya kuwakhalifu Mayahudi.Kwani mtume alisema: (Iwapo kama nitaishi mpaka mwaka ujao basi nitafunga siku ya tisa na ya kumi)

7:KUFUNGA SIKU YA JUMATATU NA ALKHAMIS:

Miongoni mwa faida za funga ni kumfanya mja kuwa mchamungu na kumpunguzia matamanio.Kwa hiyo kufunga siku hizi na nyinginezo ni muhimu sana khususani kwa vijana ambao hawajaowa au kuolewa.

Imepokelewa kutoka katika sahihi mbili(Bukhari na Muslimu)na vitabu vingine,kutoka katika hadithi iliyo simuliwa na Ibun Masuudi-Radhiya Allahu anhu-Amesema:Kasema Mtume-Rehema na amani ziwe juu yake:

وَفِيْ الْصَّحِيْحَيْنِ وَغَيْرِهِمَا عَنْ ابْنِ مَسْعُوْدٍ رَضِيَ الْلَّهُ عَنْهُ قَالَ قَالَ رَسُوْلُ الْلَّهِ صَلَّىَ الْلَّهُ عَلَيْهِ وَسَلَّمَ ( يَا مَعْشَرَ الْشَّبَابِ مَنِ اسْتَطَاعَ مِنْكُمُ الْبَاءَةَ فَلْيَتَزَوَّجْ فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ ، وَمَنْ لَمْ يَسْتَطِعْ فَعَلَيْهِ بِالْصَّوْمِ فَإِنَّهُ لَهُ وِجَاءٌ)

(Enyi vijana mwenye kuweza kuowa na aowe, kwani kuowa ni kwenye kupelekea kuhifadhi macho na kuhifadhi tupu. Na kwa yule ambaye hatoweza kuoa basi ni juu yake kufunga, hakika ya funga kwake ni kinga)

Na imesimuliwa na Abu Hurayra-Radhiya Allah anhu-amesema: Hakika ya Mtume (salla Allahu alayhi wasallam) kasema:

وَعَنْ أَبِيْ هُرَيْرَةَ رَضِيَ الْلَّهُ عَنْهُ أَنَّ رَسُوْلَ الْلَّهِ صَلَّىَ الْلَّهُ عَلَيْهِ وَسَلَّمَ قَالَ (تُعْرَضُ الْأَعْمَالُ يَوْمَ الِاثْنَيْنِ وَالْخَمِيْسِ ، فَأُحِبُّ أَنْ يُعْرَضَ عَمَلِيَّ وَأَنَا صَائِمٌ)

(Huoneshwa matendo ya waja mbele ya Allah siku ya Jumatatu na Alkhamis, kwa hiyo ninapendelea matendo yangu yaoneshwe hali ya kuwa ni mwenye kufunga).

Ni muhimu tujitahidi katika ibada hii ya funga angalau kwa kuchagua baadhi ya funga ambazo tumezitaja katika makala hii na kujifungamanisha nazo. Kwa rehma za Allaah huenda ikawa ndio sababu ya kufikiwa na hidaya kutoka kwa Allaah sub-hanahu wa ta’ala. KWani hidaya hutupelekea sisi waja kupata ushindi Duniani na akhera.

Namna ya Kufanya Tathmini Baada ya Ramadhani

2011-08-28T07:47:00.000-07:00

Tunamshukuru kwa dhati kabisa Allah sub-hanahu wa ta'ala kwa kutuwezesha kufika tulipo fika katika mwezi huu wa Ramadhani, pia rehma na amani zimshukie Mtume, pamoja watu wake na sahaba zake na wale wote wenye kufuata mwenendo wake mpaka siku ya qiyama. Na tunashuhudia kwamba hapana Mola anayestahiki kuabudiwa kwa haki isipokuwa Allah na Muhammad ni mja na Mtume wake.

Mwezi mtukufu wa Ramadhani ndio umefikia ukingoni, wengi ni wenye huzuni kwani ingawa ni mwezi mmoja tu, wamejenga mazoea makubwa ya kufanya mambo mbali mbali ambayo hatuyapati katika miezi mingine, mikusanyiko ya pamoja katika milo ya iftaar, misikiti kujaa, itikafu, qiyamul layl na du’a za kuomba maghfira kama vile

(اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّيْ)

Haya ni baadhi tu ya mambo ambayo wengine yanawatoa machozi kwani hatuna uhakika wa kuwa hai mpaka mwezi wa Ramadhani mwakani.

Wakati tukiwa na majonzi kufuatia kuondokewa na mwezi huu yaliyochanganyika na furaha ya sherehe za ‘Idil Fitwr, la muhimu zaidi ni kufanya tathmini juu ya mafanikio tuliyoyapata baada ya mwezi wa Ramadhani. Ili tuweze kufanya tathmini sahihi hatuna budi kufahamu nini tunatakiwa kukifikia baada ya Ramadhani. Tunachotakiwa kukifikia kimeelezewa kwenye Qur’ani katika aya ambayo Allaah ‘azza wa jall ametufaradhishia kufunga, Allaah ta’ala anatuambia:

يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ

Enyi mlio amini! Mmeandikiwa Swawm, kama waliyo andikiwa walio kuwa kabla yenu ili mpate kuwa wenye taqwa.

Kwa hiyo lengo la kufaradhishiwa swawm au funga ni kuwa na taqwa. Suala la kujiuliza ni ‘taqwa ni nini?’

Pia ni vipi tutaweza kujua kama tumefanikiwa kuongeza au kuwa na taqwa baada ya mwezi wa Ramadhani. Taqwa ni dhana yenye maana pana, lakini Ibn Abu Shaibah anasema katika Kitab Ul Imaan kwamba tabi’i Talq ibn Habib aliulizwa juu ya maana ya taqwa na alisema “Taqwa ni kufanya matendo ya utiifu kwa Allaah, kuwa na matarajio ya rehma zake”, akaendelea kusema kwamba “Taqwa ni kuacha matendo ya kumuasi Allaah kwa kutokana na kumuogopa” Hivyo kwa mukhtarasi tunaweza kusema kwamba mwenye taqwa ni mwenye kumcha Allaah, yaani kumtii Allah kwa kuwa na matarajio ya malipo mema na kutomuasi Allaah kwa kumuogopa.

Tukiwa tumepata mwangaza juu ya maana ya taqwa sasa tujaribu kuangalia mwenye taqwa anakuwa na mwenendo gani katika maisha yake ili tujue baada ya Ramadhani tumeweza kuwa na mwenendo huo, Allaah ‘azza wa jall anatuambia katika Qur’ani kwamba Qur’ani ni kitabu ambacho hakina mashaka ndani yake na ni muongozo kwa wenye taqwa.

Baada ya maelezo haya, Allaah ta’ala anatutajia baadhi ya sifa za wenye taqwa kwa kutuambia:-

الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ

Ambao huyaamini ya ghaibu na hushika Swala, na hutoa katika tuliyo wapa.

وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالْآخِرَةِ هُمْ يُوقِنُونَ

Na ambao wanayaamini yaliyo teremshwa kwako, na yaliyo teremshwa kabla yako; na Akhera wana yakini nayo.

Kwa mukhtasari aya hizi zinataja sifa zifuatazo za wenye taqwa:-

1. Wanaongozwa na Qur’ani, yaani matendo na mwenendo wao wa maisha unakwenda sambamba na maamrisho ya Allaah yaliyo kwenye kitabu hichi pamoja na makatazo yake.

2. Wanaamini ghaibu, yaani yale wasioyoyaona, kwa mfano wanayo imani thabiti ya kuwepo kwa Allaah ‘azza wa jall pamoja na kwamba haonekani hapa Duniani. Wanaamini kwa yakini juu ya maamrisho ya Mtume salla Llahu ‘alayhi wa sallam japokuwa hawakukutana naye pamoja na mengineyo mengi.

3. Ni wenye kusimamisha swala, sio tu katika mwezi wa Ramadhani bali daima ni wenye kudumu kwenye ibada hii kwenye maisha yao huku swala aliyoiswali Mtume rehma na amani juu yake ikiwa ndio kigezo cha swala zao.

4. Ni wenye kutoa kutokana na walivyoruzukiwa na Allaah ta’ala, yaani ikiwa ni wenye elimu basi watawaelimisha waliowazunguka, ikiwa ni wenye mali watakuwa ni wenye kutoa sadaka kwa wingi kusaidia mafakiri na masikini na ikiwa ni wenye nguvu basi watawasaidia walio dhaifu, na hufanya hivyo kwa kificho sana isipokuwa pale inapobidi kudhihirika.

5. Wanaamini kitabu alichoteremshiwa Mtume Muhammad salla Llahu ‘alayhi wasallam, yaani Qur’ani na pia vitabu walivyoteremshiwa Mitume mingine waliotangulia kabla yake kama vile Tawrat, Zabur na Injil, na kuamini huku sio tu kwa maneno bali pia ni kwa vitendo, yaani wanayafanyia kazi yaliyomo kwenye vitabu hivyo.

6. Wanaamini juu ya akhera kwa yakini, yaani juu ya hili wao hawana mashaka yoyote, tena ni wenye uhakika kuwa watasimamishwa mbele ya Allaah ta’ala siku ya hukumu na kutakuwa na ama moto au pepo, muhimu zaidi ni kwamba wanaishi maisha yao hapa Duniani wakijitayarisha kukutana na Mola wao siku hiyo.

Hizi ni baadhi ya sifa za wenye taqwa. Hivyo basi baada ya Ramadhani ikiwa muumini atadumu katika matendo kama haya basi ni dalili kuwa amefaulu kuwa na taqwa na ikiwa ataachana na mambo haya ya kheri taratibu hata baada ya muda mchache atayaacha yote basi ni dalili ya kuwa taqwa haijamuingia na hivyo hakufikia lengo la swawm au funga ya Ramadhani.

Kuwa na taqwa kunatupelekea sisi viumbe kufikia lengo la kuumbwa kwetu, kwani tunakuwa watiifu kwa aliyetuumba, lakini baadhi ya faida za wazi kabisa za kuwa na taqwa ambazo Qur’ani imezielezea ni zifuatazo:

أُولَٰئِكَ عَلَىٰ هُدًى مِّن رَّبِّهِمْ ۖ وَأُولَٰئِكَ هُمُ الْمُفْلِحُونَ

Hao wapo juu ya uwongofu utokao kwa Mola wao Mlezi, na hao ndio walio fanikiwa.

Hivyo basi wenye taqwa ndiyo ambao wanapata hidaaya (muongozo) kutoka kwa Allaah, kitu ambacho sisi waislamu tunamuomba zaidi Allaah ta’ala atupe kuliko kitu chingine chochote kwa kumuomba kuongoka kila tunaposoma Suratul Fat-ha kwa kusema:

اهْدِنَا الصِّرَاطَ الْمُسْتَقِيمَ

Tuongoe njia iliyo nyooka.

Mbali na kupata kuongolewa pia Allah anatueleza katika aya hiyo hiyo kuwa wenye taqwa ndio waliopata mafanikio ya kweli kwani mioyo yao inakuwa safi hapa Duniani na wanakuwa ni wenye kutosheka na kesho akhera wana malipo makubwa na mazuri mno.

Vile vile Allah anatueleza kuhusu taqwa kuwa:

إِنَّ أَكْرَمَكُمْ عِندَ اللَّهِ أَتْقَاكُمْ

Hakika aliye mtukufu zaidi kati yenu kwa Allaah ni huyo mwenye taqwa zaidi katika nyinyi.

Hivyo basi kwa vile mbora zaidi mbele ya Allaah sio tu mwenye taqwa bali ni mwenye taqwa zaidi, hatuna budi kuongeza bidii hata baada ya Ramadhani katika kufanya matendo ambayo yatatuongezea taqwa. Tunamuomba Allaah ta’ala atujaalie taqwa, atukubalie swawm zetu na ibada zetu nyingine, atusamehe makosa yetu, atuepushe na adhabu ya kaburi na atutunikie jannatul fir dawsi baada ya siku ya malipo.

Laylatul Qadr

2011-08-24T17:11:00.000-07:00

Laylatul Qadr kilugha, maana yake ni usiku wenye nguvu au usiku wenye kudra au usiku wa cheo kitukufu, ni usiku maalum ambao unapatikana mara moja tu katika kila mwaka ndani ya mwezi wa Ramadhani. Huu ni usiku ambao Allaah ta’ala anatuambia katika kitabu chake kitukufu kuwa Qur’ani imeteremshwa, Allaah ta’ala anatuarifu:-

إِنَّا أَنزَلْنَاهُ فِي لَيْلَةِ الْقَدْرِ

Hakika Sisi tumeiteremsha (Qur'ani) katika Laylatul Qadri, Usiku wa Cheo Kitukufu.

Kama tunavyofahamu kuwa Qur’ani ni kitabu ambacho kina faida nyingi ndani yake ikiwa ni pamoja na kuwa ni muongozo kwa wenye taqwa, ni shifaa kwa wenye kuiamini, ni maelekezo ya maisha sahihi kwa wenye kukifata ni chanzo mama cha sharia za Allaah ta’ala kwa waislamu na wanaadamu kwa ujumla. Bila shaka usiku huu unastahiki kuwa na hadhi kubwa. Kuhusu uteremkaji huo wa Qur’ani Ibn Abbas (radhi za Allaah ziwe juu yake) anasema:-

Allaah ameishusha Qur’ani yote ikiwa imehifadhiwa kwenye al Lahwul mahfudh kwenda kuwekwa kwenye Baytul ‘izza ambayo ipo kwenye mbingu ya dunia. Kisha ikaletwa kwa Mtume sehemu baada ya sehemu kwa mujibu wa matukio kwa muda wa miaka ishirini na tatu.

Mtume rehma na amani juu yake ameuzungumzia usiku huu katika hadithi mbali mbali. Kama hii ilivyosimuliwa na Abuu Hurayra:-

عن أبي هريرة ، قالَ : كَانَ رسولُ اللهِ صلي الله عليه وسلم يُبَشِّرُ أصْحَابَةُ ، يقولُ : " قَدْ جَاءَكُمْ شَهْرُ رَمَضانَ شَهْرٌ مُبَارَكٌ فَرَضَ اللهُ عليكم صِيَامَهُ ، تُفَتَّحُ فيه أبوابُ الجَنَّةِ ، وَتغلَّقُ فيه أبوابُ النَّارِ ، فيه لَيْلَةٌُ خَيْرٌ من ألفِ شَهْرٍ ، مَن حُرِمَ خَيْرَها فقد حُرِمَ "

Imetokana na Abu Hurayra (radhi za Allaah ziwe juu yake) amesema: Amekuja Mtume rehma na amani juu yake na kuwabashiria maswahaba na kasema “Umekujieni mwezi wa Ramadhani, mwezi wenye baraka, Allaah amekufaradhishieni ndani yake kufunga, hufunguliwa ndani yake milango ya peponi na hufungwa milango ya motoni, ndani yake kuna usiku ulio bora kuliko miezi elfu, atakaekosa kheri zake basi amenyimwa

Pia ubora wa usiku huu umethibitishwa katika Qura’ni pale Allaah ‘azza wa jall anapotuambia:-

لَيْلَةُ الْقَدْرِ خَيْرٌ مِّنْ أَلْفِ شَهْرٍ

تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ

Laylatul Qadri ni bora kuliko miezi elfu.

Huteremka Malaika na Roho katika usiku huo kwa idhini ya Mola wao Mlezi kwa kila jambo.

Mbali na kuwa na ubora kuliko miezi elfu pia kwa idhini yake Allaah ta’ala huteremshwa malaika katika usiku huo kutokana na wingi wa kheri za usiku huo. Vile vile Mtume rehma na amani zimshukie ameuzungumzia usiku huu kuwa ni usiku wa kusamehewa dhambi, kama ilivyoelezewa katika hadithi ifuatayo:-

عَنْ أَبِيْ هُرَيْرَةَ رَضِيَ الْلَّهُ عَنْهُ ‏عَنْ الْنَّبِيِّ صَلَّىَ الْلَّهُ عَلَيْهِ وَسَلَّمَ قَالَ مَنْ قَامَ لَيْلَةَ الْقَدْرِ إِيْمَانا وَاحْتِسَابا غُفِرَ لَهُ مَا تَقَدَّمَ مِنْ ذَنْبِهِ

Amesimulia Abu Hurayra kwamba amesema Mtume rehma na amani juu yake “mwenye kusimama katika laylatul qadr kwa imani na kutaraji malipo atasamehewa dhambi zake zote zilizotangulia.

Kusamehewa dhambi ni kitu ambacho kila binadamu anakihitaji kwa vile sote ni watenda dhambi. Hii ni neema kubwa kwa Waislamu kwa hiyo hatuna budi kujitahidi kusimama kwenye ibada katika kuutafuta usiku wenye ubora wa hali ya juu na neema nyingi.

Usiku huu unapatikana katika usiku witiri wa kumi la mwisho la mwezi huu ambapo sasa zimebaki siku chache tu kama anavyotuthibitishia Mtume rehma na amani juu yake:-

عَنْ عُبَادَةَ بْنِ الصَّامِتِ , أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ , قَالَ : " لَيْلَةُ الْقَدْرِ فِي الْعَشْرِ الْبَوَاقِي , مَنْ قَامَهُنَّ ابْتِغَاءَ حِسْبَتِهِنَّ فَإِنَّ اللَّهَ يَغْفِرُ لَهُ مَا تَقَدَّمَ مِنْ ذَنْبِهِ , وَهِيَ لَيْلَةُ وِتْرٍ تِسْعٌ أَوْ سَبْعٌ أَوْ خَمْسٌ أَوْ ثَلاثٌ أَوْ آخِرُ لَيْلَةٍ " .

Imetokana na ‘Ubada bin As Swaamit (radhi za Allaah zimshukie) Hakika Mtume rehma na amani juu yake amesema: “Laylatul Qadr inatokea katika mwezi wa ramadhani katika kumi la mwisho, mwenye kusimama kwa imani na matarajio basi hakika Allaah atamsamehe dhambi zote zilizotangulia, nao ni usiku wa witiri, ama tisa au saba au tano au tatu au usiku wa mwisho.

Huu ndio uthibitisho wenye uhakika juu ya ni lini usiku huu unapatikana kinyume na ile itikadi isiyo sahihi kwamba usiku huo ni usiku wa kuamkia ramadhani ya ishirini na saba.

Hivyo basi ni muhimu sana kwetu sisi waislamu kuendelea kufanya ibada katika siku zilizobaki za kumi hili ili kwa rehma zake Allaah tukawa ni wenye kuupata usiku huu na Allaah kutukubalia dua, istigfaar, toba na ibada zote nyingine. Tunamuomba Allaah atukubalie funga zetu, sala zetu, du’aa zetu na atutenge sisi na madhambi kama ilivyotengana mashariki na magharibi.

1 Qur’ani Suratul Qadr aya ya 1 (97:1)

2 Qur’ani, Suratul Baqara aya ya 2 (2:2)

3 Ni kifaa maalum (mfano wa tableti au ubao) ambapo Qur’ani yote iliandikwa na kuhifadhiwa kwenye kifaa hicho.

4 Baytul ‘izza ni nyumba tukufu iliyoko kwenye nbingu ya dunia ambapo Qur’ani ikiwa kwenye Lahwul Mahfudh ilihifadhiwa kwenye nyumba hiyo.

5 Maelezo haya ya Ibn Abbas yanapatikana kwenye Tafsiri ya Ibn Kathir katika maelezo ya aya ya kwanza ya Suratul Qadr.

6 Imenakiliwa kwenye Sahihi Bukhari.

7 Imenakiliwa kwenye Sahihi Bukhari.

8 Hadithi hii umekaririwa kwenye maelezo ya tafsiri ya ibn Kathir ya Surat al Qadr.

Ramadhani: Salafi Swaalih na Ukarimu na Sadaka

2011-08-06T04:18:00.000-07:00

Sadaka ndani ya mwezi mtukufu wa Ramadhani ni bora kulikoni sadaka katika miezi ya kawaida. Na ndio maana mtume "swalla llahu alayhi wasallama" akauita mwezi huu ya kwamba ni mwezi wa kuliwazana. Kwani masikini pia katika funga zao hupatwa na njaa na kiu, na mikononi mwao hawana kile kitakacho watosheleza, basi pindi wanapo patikana watu wanao wapatia sadaka na kuwafanyia ukarimu, nao hufarijika na kuliwazika. LEngo la kuwasaidia masikini hawa ni kumtii Allah ‘azza wa jall ndani ya mwezi huu mtukufu.

قَالَ رَسُوْلُ اللهِ صَلَّي اللهُ عَلَيْهِ وَسَلَّمَ: مَنْ فَطَرَ فِيْهِ صَائِمَا كَانَ كَفَّارَةَ لِذُنُوْبِهِ وَعِتْقَ رَقَبَتِهِ مِنَ الْنَّارِ وَكَانَ لَهُ مِنَ الْأَجَلِ مِثْلُ أَجْرِ الْصَّائِمِ مِنْ غَيْرِ أَنْ يَنْقُصَ مِنْ أَجْرِهِ شَيئَا

سُنَنٌ الْتِّرْمِذِي

Anasema mtume rehema na amani ziwe juu yake (Yule mwenye kumfuturisha mfungaji katika mwezi huu wa Ramadhani basi kitendo chake hicho kitakuwa ni kafara ya madhambi yake. Na ataachwa huru na moto wa jahannam. Na atakuwa na malipo mfano wa malipo ya mfungaji, pasina ya kupungua malipo ya mfungaji japo kidogo)

Sunani Tirmidhiy.

Hadithi hii ni dalili tosha kuonesha ubora wa sadaka ndani ya mwezi huu mtukufu wa Ramadhani.

Matendo mbali mbali ya kheri hupata ubora zaidi au huwa na fadhila nyingi zaidi kutokana na ubora wa mahala yanapo tendewa matendo hayo au muda ambayo hutendwa matendo hayo ya kheri. Kutokana na hivyo na ndio maana swala katika msikiti wa Maka na Madina ni bora zaidi kulikoni swala katika msikiti wowote ule، fadhila hizi ni kutokana na ubora wa maeneo haya. Vile vile swadaka katika mwezi huu mtukufu wa Ramadhani ni bora zaidi kulikoni swadaka katika miezi mingine, kwani Allaah kaujaalia mwezi huu kuwa ni msimu wa kheri na kujitahidi katika utiifu na ni mwezi wa waja kuinuliwa daraja zao.

BAADHI YA MIFANO YA SALAF SWAALIH YA UKARIMU NA SADAKA KATIKA MWEZI MTUKUFU WA RAMADHANI:

عَنْ ابْنٍ عَبَّاسٍ رَضِيَ الْلَّهُ عَنْهُمَا قَالَ: (كَانَ رَسُوْلُ اللهِ صَلَّىَ اللهُ عَلَيْهِ وَسَلَّمَ أَجْوَدَ النَّاسِ بِالْخَيْرِ، وَكَانَ أَجْوَدُ مَا يَكُوْنُ فِيْ شَهْرِ رَمَضَانَ، إِنَّ جِبْرِيْلَ عَلَيْهِ الْسَّلَام كَانَ يَلْقَاهُ فِيْ كُلِّ سَنَةٍ فِيْ رَمَضَانَ حَتَّىَ يَنْسَلِخَ فَيَعْرِضُ عَلَيْهِ رَسُوْلُ اللهِ صَلَّىَ اللهُ عَلَيْهِ وَسَلَّمَ الْقُرْآَنَ، فَإِذَا لَقِيَهُ جِبْرِيْلُ كَانَ رَسُوْلُ اللهِ صَلَّىَ اللهُ عَلَيْهِ وَسَلَّمَ أَجْوَدُ بِالْخَيْرِ مِنَ الْرِّيحِ الْمُرْسَلَةِ) [مُتَّفَقٌ عَلَيْهِ].

Imepokewa kutoka kwa Ibun Abbasi radhi za Allah ziwe juu yake na Baba yake kasema: (Alikuwa Mtume "swalla llahu alayhi wasallama" mzuri wa watu katika kheri. Na uzuri huu ulikuwa ukizidi zaidi katika mwezi mtukufu wa ramadhani. Jibril "alayhi salaam" alikuwa akimjia Mtume kila mwaka katika mwezi wa Ramadhani kwa ajili ya kumpitisha katika Qur ani. Alikuwa mtume akikutana na Jibril ni mtu wa kheri kulikoni hata upepo uliotumwa) Mutafakun alayhi.

Ni jambo linalojulikana ya kwamba upepo huja na kheri nyingi, ikiwemo kuyasukuma mawingu na kuyapeleka sehemu mbali mbali kwa ajili ya kunyesha mvua.

Swahaba huyu anamfananisha mtume na upepo na kusema ya kwamba mtume alikuwa ni mbora kuliko hata upepo kutokana na ukarimu wake na utoaji sadaka wake.

Al muhallab "rahimahu Llaah" anasema juu ya hadithi hii: Na katika hadithi hii tunajifunza baraka za matendo ya kheri. Na kwamba baadhi ya haya matendo hufungua milango ya matendo mengine ya kheri na humsaidia mja kufanya matendo mengine ya kheri. Huoni baraka ya funga na na kukutana na Jibril na kupitishwa Qur ani kulizidisha katika ukarimu wa Mtume na kujitolea sadaka?mpaka akawa ni mbora kulikoni hata upepo ulio tumwa?

Anasema Ibn Rajab "rahimahu Llaah” amesema imamu Shaafi"rahimahu Llaah": Inapendeza zaidi kwa watu kuzidisha ukarimu katika mwezi mtukufu wa Ramadhani kwa kumuiga Mtume" rehema na amani ziwe juu yake" na kutokana na mahitaji ya watu {masikini}, pia kutokana na watu wengi kushughulishwa zaidi na funga na swala kulikoni kazi zao.

Ukarimu huu haushii katika kutoa sadaka tu, bali ikiwezekana hata kuwakusanya masikini na kufuturu nao pamoja. Shughuli hii licha ya kupata thawabu kwa mfanyaji lakini huwa ni yenye kumuondolea mja kiburi na kujiona katika moyo wake.

Ibn Omar "radhi za Allah ziwe juu yake na Baba yake" alikuwa akifunga na hafuturu isipokuwa pamoja na masikini. Na iwapo kama jamaa zake watawazuia masikini basi alikuwa hali usiku huo. Na alikuwa iwapo atamjia masikini anayehitaji chakula naye anakula basi alikuwa akichukua sehemu yake ya chakula na kumpa huyo masikini. Na anarudi anakuta jamaa zake washamaliza chakula chote kilicho kuwapo katika chombo, basi kesho yake anaunganisha swaumu hali ya kuwa usiku hakula.

Yunus bin Yaziid anasema: Alikuwa ibn Shihab pindi inapoingia Ramadhani basi kwake yeye unakuwa ni mwezi wa Qur ani na kuwalisha masikini.

Alikuwa Hamad bin Sulayman "Allaah amrehemu" Alikuwa akifuturisha katika mwezi wa Ramadhani watu mia tano. Na alikuwa akiwapatia baada ya iddi kila mmoja dirham mia moja.

Mwezi mtukufu wa Ramadhani ni msimu wa utiifu wa hali ya juu, ukarimu, sadaka na kheri mbali mbali. Na wala si mwezi wa ubakhili.

Twamuomba Allah azikubalie funga zetu, swala zetu na sadaka zetu. Allahumma aamiyn.

PONGEZI ZA MWEZI MTUKUFU WA RAMADHAN

2011-08-01T04:38:00.000-07:00

Assalaamu alaykum warahmatullahi wabarakaatuh

Ukurasa wa MIMI NI MUISLAMU (Facebook) wakishirikiana na Blogi ya Dinullah tunakupeni pongezi kwa kujaaliwa kuufikia mwezi mtukufu wa RAMADHANI. Mwezi wenye kheri na Baraka mbali mbali. Mwezi ambao ni jukumu la kila mmoja wetu kuufunga. Ni furaha iliyoje kuufikia mwezi huu!

Wangapi walitamani kufikishwa mwezi huu lakini hivi sasa hatupo nao tena Hatuna budi kumshukuru kwa dhati Allaah ‘azza wa jall kwa kutufikisha tena kwenye neema hii kubwa isiyo na mfano, Alhamdulillahi ewe Allah kwa kutufikisha tena katika mwezi huu mtukufu wa Ramadhani.

Habibil Mustafa, Mtume Muhammad rehema na amani ziwe juu yake alikuwa akiwapongeza na kuwabashiria kheri maswahaba wake kwa kujaaliwa kuufikia mwezi mtukufu wa RAMANDANI.

عَن أَبِي هُرَيْرَة رَضِي الْلَّه عَنْه قَال : قَال رَسُوْل الْلَّه صَلَّى الْلَّه عَلَيْه وَسَلَّم : " أَتَاكُم شَهْر رَمَضَان ، شَهْر مُبَارَك ، فَرَض الْلَّه عَلَيْكُم صِيَامَه ، تُفْتَح فِيْه أَبْوَاب الْجَنَّة ، وَتُغْلَق فِيْه أَبْوَاب الْجَحِيْم ، وَتُغَّل فِيْه مَرَدَة الْشَّيَاطِيْن ، وَفِيْه لَيْلَة هِي خَيْر مِن أَلْف شَهْر ، مَن حَرَّم خَيْرَهَا فَقَد حُرِم ".

(Umekujieni mwezi wa Ramadhani, mwezi wenye Baraka. Allaah kakufaradhishieni kufunga katika mwezi huu. Katika mwezi huu inafunguliwa milango ya mbinguni, na inafungwa milango ya motoni, na mashetani wanafungwa pia, katika mwezi huu kuna usiku ambao ni bora kulikoni miezi alfu moja.Yule mwenye kuharamishiwa kheri zake hakika huyo kaharamishiwa kheri nyingi sana!)

Hivyo basi ni jukumu letu kufanya juhudi za hali ya juu ili kuhakikisha kwamba ni wenye kuzipata kheri za mwezi huu. Ewe Allah shukurani zote wastahiki wewe kwa kutufikisha mwezi mtukufu wa Ramadhani. Ewe Allah tujaalie tuwe ni wenye kuupata usiku wa heshima (laylatu lkadr), usiku uliobora kuliko miezi elfu. Ewe Allah tuandikie malipo ya wenye kuudiriki usiku huo. Ewe Allah yakubali matendo yetu mema.

Allahuma aaaamiin

Nyakati za Futari na Daku

2011-07-31T16:34:00.000-07:00

Inshallah tunaingia katika mfungo wa mwezi mtukufu wa Ramadhani. Katika mwezi huu Waislam huwa tuna milo miwili mikubwa badala ya ile ya kawaida. futari, yaani chakula ambacho tunakila baada ya kutua kwa jua baada ya kufunga siku nzima tangu kabla ya kuchomoza kwa jua na daku, chakula tunachokila kabla ya kuingia kwa sala ya alfajiri.

Uislamu haujaacha kuhimiza na kuelekeza namna ya utekelezaji wa kila jambo ikiwemo nyakati za daku na futari. Katika suala la kufungua au kufuturu Uislam unahimiza kwamba ni muhimu kuwahi kufungua mara tu baada ya kuingia wakati, yaani mara baada ya kutua au kuzama kwa jua. Hili linathibitishwa katika hadithi iliyosahihi.

وَعَن سَهْلِ بْن سَعْدٍ رَضِيَ اللَّه عَنْهُ، أَنَّ رَسُوْلَ الْلَّه صَلَّي الْلَّه عَلَيْهِ وَسَلَّم قَال: (لَا يَزَالُ النَّاسُ مَا عَجَّلُوْا الْفِطْرَ) مُتَّفَق عَلَيْه

Amesimulia Sahl bin Sa’ad Allaah amuwie radhi, amesema Mtume rehma na amani juu yake: “watu wataendelea kuwa na kheri iwapo wataharakisha kufungua” (Bukhari na Muslim)

Na katika riwaya ya Abu Dawud imeongezewa kwamba kwa sababu “mahahudi na manasara huchelewesha kufungua mpaka nyota zinapokitokeza”. Kwa hiyo kuwahi kufungua mara baada ya kuingia kwa wakati ni suala muhimu sana ambalo Mtume salla llahu ‘alayhi wa sallam amelihimiza sana. Vile vile ni miongoni mwa sunna za Mtume salla Llahu ‘alayhi wasallam ni kuchelewa kula daku. Hili nalo limesimuliw katika hadithi ya bwana Mtume.

عَن أَبِي ذَرِّ رَضِيَ الْلَّه عَنْهُ قَالَ: قَالَ رَسُوْلُ الْلَّه صَلَّي الْلَّه عَلَيْهِ وَسَلَّم لَا تَزَالُ أُمَّتِي بِخَيْرٍ مَا عَجَّلُو الْإِفْطَارَ وَأَخَّرُو السُّحُورَ

Amesimuli Abu Dharr (radhi za Allaah zimshukie) Amesema Mtume (rehma na amani juu yake) Umma wangu utabaki kwenye kheri iwapo wataharakisha kwenye kufutari na kuchelewa kula daku.

Hivyo kuchelewa kula daku ni miongoni mwa sunna za Mtume salla Llaahu ‘alayhi wa sallam. Imam Maalik anasimulia kutoka kwa Abdullahi bin Ubaya bin Abii Bakar anasema: Nimemsikia baba akisema: Tulikuwa mwezi wa Ramadhani tukitoka (msikitini) baada ya kumaliza Qiyamu llayl kuelekea majumbani mwetu, wakawa wafanyakazi wetu wakiharakisha kuandaa chakula (daku) kwa kuhofia kuchomoza alfajiri.

Hivyo basi kuchelewa huko ni mpaka muda mchache kabla ya kuingia kwa sala ya Alfajiri. Hivyo basi hatuna budi kuachana na tabia ya kula daku kabla ya kulala kwani huo si mwenendo wa Mtume na salaf swaalih.

Mahimizo haya yanadhihirisha kwamba Uislamu unatutakia iabada zetu ziwe nyepesi, ibada ya funga na nyingine zote hazikuletwa kwa ajili ya kutufanyia ugumu katika maisha bali tuweze kuwa na utiifu kwa Allaah sub-hanahu wata'ala

SALAFU SWAALIH NA QIYAMU LLAYL KATIKA MWEZI WA RAMADHAN

2011-07-30T12:59:00.000-07:00

Qiyamu llayl (kisimamo cha usiku/ibada za usiku) ni desturi ya watu wema, na ni biashara ya waumini na Mola wao, na ni katika matendo ya watu wenye kufuzu. Kwani Qiyamu llayli ni katika ibada zenye kuongeza imani ya mja na kumthibitisha katika njia ya haki dhidi ya mitihani, maswaibu na misukosuko mbali mbali, anayo pambana nayo katika maisha haya. Anasema Allah ndani ya kitabu chake kitukufu:

يَا أَيُّهَا الْمُزَّمِّلُ

Ewe uliye jifunika!

قُمِ اللَّيْلَ إِلَّا قَلِيلًا

Kesha usiku kucha, ila kidogo tu!

نِّصْفَهُ أَوِ انقُصْ مِنْهُ قَلِيلًا

Nusu yake, au ipunguze kidogo.

أَوْ زِدْ عَلَيْهِ وَرَتِّلِ الْقُرْآنَ تَرْتِيلًا

Au izidishe - na soma Qur'ani kwa utaratibu na utungo.

إِنَّا سَنُلْقِي عَلَيْكَ قَوْلًا ثَقِيلًا

Hakika Sisi tutakuteremshia kauli nzito. (73:1-5)

Muzzammil 1-5

Tutateremsha katika moyo wa muumini huyu kauli nzito. Kauli yenye kumthibitisha muumini juu ya njia ya haki dhidi ya mitihani, maswaibu na misukosuko mbali mbali.

Na katika hadithi iliyo pokelewa na Sahli bin Saadi radhi za Allah ziwe juu yake ana sema:Hakika mjumbe wa Allah rehema na amani ziwe juu yake anasema:

عَنْ سَهْلِ بْنِ سَعْدٍ رَضِيَ الْلَّهُ عَنْهُ أَنَّ رَسُوْلَ الْلَّهِ صَلَّىَ الْلَّهُ عَلَيْهِ وَسَلَّمَ قَالَ : «أَتَانِيَ جِبْرِيْلُ فَقَالَ: يَا مُحَمَّدُ ! عُشّ مَا شِئْتَ فَإِنَّكَ مَيِّتٌ وَأَحْبِبْ مَنْ شِئْتَ فَإِنَّكَ مُفَارِقَهُ وَاعْمَلْ مَا شِئْتَ فَإِنَّكَ مَجْزِيٌّ بِهِ وَاعْلَمْ أَنَّ شَرَفَ الْمُؤْمِنِ قِيَامُهُ بِالْلَّيْلِ وَعِزُّهُ اسْتِغْنَاؤُهُ عَنِ الْنَّاسِ» رَوَاهُ الْحَاكِمُ وَالْبَيْهَقِيُّ

(Alinijia Jibriil alayhi salaam akasema: Ewe Muhammad! Ishi utakavyo lakini jua ya kwamba wewe ni maiti. Na mpende umtakaye lakini tambua ipo siku utafarikiana nae. Na tenda utakavyo lakini jua ya kwamba hakika wewe ni mwenye kulipwa. Na elewa ya kwamba heshima ya muumini ni Qiyamu llayl (ibada za usiku). Na utukufu wake ni kujitosheleza na watu)

Na makusudio ya Qiyamu llayli ni kuukidhi usiku au nusu yake au japo saa moja kwa kuswali, kusoma Qur ani kumdhukuru Allah na mfano wa ibada hizo. Kwa hiyo Tahajudi, Witiri, Taraaweh ni katika Qiyamu llayl.

Na kwa anaye simama kiasi cha usiku na wala si usiku wote basi yapendelewa zaidi kutekeleza ibada hii baada ya kulala kiasi,kwani kwa kufanya hivyo hupelekea akili yake kupumzika na moyo kutulia hivyo kupelekea mazingatio zaidi katika ibada aifanyayo .Na ndio maana Allah akasema:

إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا

(Hakika kuamka usiku kunawafikiana zaidi na moyo, na maneno yake yanatua zaidi (73:6)

Yaani kwa mtu aliye lala kabla ya kusimama katika ibada hii ya usiku basi kupumzika kwake huku hupelekea kauli yake kuwafikiana na moyo wake. Yaani anakuwa katika ibada yake ni mwenye kukizingatia na kukitafakari kile anacho kitamka. Si kwamba anakuwa anatamka kingine na anafikiria kingine kabisa: Kwa mfano anasoma Surat al Faatiha anafikiria kesho kazini itakuwaje? Na kutokana na umakini huu ndio maana tumeona mifano ya baadhi ya maubbaadi (wenye kufanya ibada) walikuwa wakisimama usiku mzima kwa aya moja. Kama ilivyo pokelewa kutoka kwa muabudiaji aliye simama usiku mzima na aya hii:

أَمْ حَسِبَ الَّذِينَ اجْتَرَحُوا السَّيِّئَاتِ أَن نَّجْعَلَهُمْ كَالَّذِينَ آمَنُوا وَعَمِلُوا الصَّالِحَاتِ سَوَاءً مَّحْيَاهُمْ وَمَمَاتُهُمْ ۚ سَاءَ مَا يَحْكُمُونَ

(Je! Wanadhani wanao tenda maovu kuwa tutawafanya kama walio amini, na wakatenda mema, sawa sawa uhai wao na kufa kwao? Ni hukumu mbaya wanayo ihukumu!)

Surat Al Jaathiya: 21

BAADHI YA MIFANO YA SALAF SWAALIH NA QIYAMU LLAYL KATIKA MWEZI MTUKUFU WA RAMADHAN

Imamu Maaliki anasimulia kutoka kwa Abdullahi bin Ubaya bin Abii Bakar anasema: Nimemsikia baba akisema: Tulikuwa mwezi wa Ramadhani tukitoka (msikitini) baada ya kumaliza Qiyamu llayl kuelekea majumbani mwetu, wakawa wafanyakazi wetu wakiharakisha kuandaa chakula (daku) kwa kuhofia kuchomoza alfajiri.

Bila shaka hadithi hii inaonesha ni jinsi gani walivyo kuwa wakirefusha ibada ya qiyamu llayl, mpaka wanatoka misikitini karibia na kuchomoza alfajiri.

Na imesimuliwa kutoka kwa Dawd bin Huswayn kutoka kwa Abdulrahman kasema: Walikuwa maimamu wakiswalisha na mfano wa Surat al Baqarah, katika rakaa nane. Na iwapo kama baadhi ya maimamu wataswalisha kwa mfano wa urefu wa Suurat al Baqarah katika rakaa kumi na mbili basi basi nawahisi wamewafanyia takhfifu.

Subuhaana LLAH !!! Tukumbuke ya kwamba suurat al baqara ina juzuu mbili karibia na nusu,kwa hiyo maimamu hawa walikuwa wakiswalisha katika rakaa nane na surat al baqara au mfano wake kwa urefu wa kisomo (kwani hakuna sura ndefu zaidi ya al Baqarah) na baadhi ya maimamu walikuwa wakiswalisha rakaa kumi na mbili kwa sura hii au mfano wake.

Nafii rehema na amani ziwe juu yake anasema: Alikuwa Ibn ‘Umar (Allaah amridhie yeye na baba yake) akiswali ibada za usiku katika mwezi wa Ramadhan nyumbani kwake. Watu wakisha ondoka msikitini basi alikuwa akichukua chombo chake cha maji na kuelekea katika msikiti wa mtume rehema na amani ziwe juu yake. Haondoki humo mpaka aswali swala ya alfajiri.

Kwa hiyo hadithi hii yaonesha ya kwamba baadhi ya maswahaba walikuwa hawalali usiku mzima katika mwezi mtukufu wa Ramadhani, bali walikuwa wakiuhuisha kwa ibada mbali mbali.

Na imepokelewa kutoka kwa Abdu Swamad anasema: ametusimulia Abu Al ash-abu Amesema:

Alikuwa baba Rajaau akikhitimisha Qur’ani katika kutuswalisha ndani ya mwezi wa ramadhani kila baada ya siku kumi.

Yaani kila siku walikuwa wakiswali taraaweh kwa juzuu tatu. Subuhaan LLAAH! Tupo wapi na hii mifano ya salafi swaalih katika swala zetu?

Hii ni baadhi tu ya mifano ya salaf swaalih na Qiyamu llayl ndani ya mwezi mtukufu wa Ramadhan. Lakini tukumbuke ya kwamba hawa watu si kwamba walikuwa wakijitahidi katika ibaada ndani ya mwezi mtukufu wa Ramadhani kisha wakaachana nazo katika miezi mingine, la hasha. Bali walikuwa wakizitekeleza ibada hizi katika miezi mingine pia kama tulivyo ona upande wa usomaji wa Qur ani. Kwani makusudio ya Ramadhani si kumfanya mtu awe karibu na Allah katika mwezi wa Ramadhani tu, kisha baada ya hapo awe mbali na Allah, hapana. Matatizo yanayo jitokeza kwa watu wengi kwa kuwa karibu na Allah ndani ya mwezi mtukufu wa ramadhani na kuwa mbali naye katika miezi mingine, ni kuto jua au kusahau ni nini makusudio ya mwezi mtukufu wa Ramadhani na kuto kuwa na maandalizi mazuri juu ya mwezi mtukufu huu.

Abu Othmani Annahdiy anasimulia ya kwamba: Nilimkaribisha Abu Hurayra 'radhi za Allah ziwe juu yake' nyumbani kwangu yeye na mkewe na mfanyakazi wake. Wakawa wanaugawa usiku sehemu kuu tatu: Anaswali huyu kisha anamuamsha huyu kisha anamuamsha huyu.

Alikuwa Shaddaadi bin ‘Awsi 'Allaah amridhie' pindi anapo elekea kulala, alikuwa ni kama vile mfano wa punje katika kikaango. Kisha anasema "Ewe Allah hakika moto wa jahannam wanifanya mie nisilale”. Kisha anaamka na kuanza kuswali.

Mifano hii miwili na mingineyo mingi yajulisha ya kwamba Salaf swaalih walikuwa hawamuabudu Allaah au kuwa karibu na Allaah ndani ya mwezi mtukufu wa Ramadhani tu. Bali walikuwa na miezi mingine ni wenye hima ya juu katika ibada pia, isipokuwa hima yao ndani ya mwezi mtukufu wa Ramadhani ilikuwa ni ya juu zaidi kutokana na fadhila za mwezi huu mtukufu.

Twamuomba Allah atuwakikishe katika yale anayo yapenda na kuyaridhia.

SALAF SWAALIH NA RAMADHAN

2011-07-21T17:33:00.000-07:00

Assalaamu alaykum warahmatullahi wabarakaatuh.

Alhamdulillahi Rabil’aala miin, wasswalaatu wassalaamu ala Rasuuli LLahi wa’ala aalihi wasahbihi wasallama.

Baada ya kumshukuru Allaah na kumtakia rehema na amani Mtume Muhammad.

Salaf swaalih na Ramadhani, tunakusudia salaf swaalih hapa Maswahaba, Mataabi’in na Mataabi’i taabi’in: Yaani Maswahaba na wale walio fuata karne mbili baada yao.

Tunazungumzia swaumu zao ili tuweze kupata mwanga zaidi kuhusiana na funga ya mwezi mtukufu wa Ramadhani, kwani tukumbuke ya kwamba maswahaba radhi za Allaah ziwe juu yao wao waliishi na Mtume (rehma na amani juu yake), kwa hiyo bila shaka ibaada zao mbali mbali zitakuwa ni zenye kufanana sana na ibaada za Mtume kwani yeye ndiye aliye kuwa mwalimu wao. Pia tukumbuke ya kwamba miongoni mwa maswahaba wapo ambao wamebashiriwa kuingia peponi. Vile vile katika salaf swaalih kuna walio onesha mifano mbali mbali katika ibaada ambayo hatujaiona katika zama nyingine. Na tukumbuke ya kwamba maswahaba wameridhiwa na Allah kama anavyo tueleza Mwenyezi Mungu katika kitabu chake kitukufu cha Qur’aan:

(وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنْصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ) التوبة :100

(Na wale walio tangulia, wa kwanza, katika Wahajiri na Ansari, na walio wafuata kwa wema, Allaah ameridhika nao, na wao wameridhika Naye; na amewaandalia Bustani zipitazo mito kati yake, wadumu humo milele. Huko ndiko kufuzu kukubwa.)

Surat Tawba:100

Tunaelezea kuhusiana na funga za salaf swaalih kwani Mtume Muhammad rehema na amani ziwe juu yake anasema: katika hadithi iliyosimuliwa na Abdullahi bin Masu’ud (radhi za Allah ziwe juu yao)

عَن عَبْدِاللّه بْن مَسْعُوْد رَضِي الْلَّه عَنْهُمَا قَال: قَال رَسُوْل الْلَّه صَلَّي الْلَّه عَلَيْه وَسَلَّم (خَيْر الْنَّاس قَرْنِي, ثُم الَّذِيْن يَلُوْنَهُم, ثُم الَّذِيْن يَلُوْنَهُم

رَوَاه الْبُخَارِي

(Wabora katika watu ni karne yangu kisha inayo fuata kisha inayo fuata) (Bukhari)

Hadithi hii yathibitisha ya kwamba katika watu walio kuwa bora zaidi katika umati huu ni karne aliyo ishi mtume kisha karne mbili baada yake.

Mtume Muhammad rehema na amani ziwe juu yake alikuwa pindi unapo ingia mwezi wa Ramadhani akiwabashiria maswahaba wake kheri na akisema Kama alivyosimuli Abu Hurayara radhi za Allah zimshukie:

(Umekujieni mwezi wa Ramadhani mwezi wenye Baraka. Allaah kakufaradhishieni kufunga katika mwezi huu. Katika mwezi huu inafunguliwa milango ya mbinguni, na inafungwa milango ya motoni, na mashetani wanafungwa pia, katika mwezi huu Allaah kaandaa usiku ambao ni bora kulikoni miezi alfu moja.Yule mwenye kuharamishiwa kheri zake hakika huyo kaharamishiwa kheri nyingi sana!)

SALAFU SWAALIH NA QUR'ANI KATIKA MWEZI WA RAMADHAN

Qur'ani ni kitabu cha Allah kitakatifu na maneyo Yake matukufu, nacho ndio katiba yetu na mfumo wetu wa maisha. Ndani yake kuna utukufu wetu na nguvu zetu na ushindi wetu. Hatukufikia tuliko fikia katika unyonge na udhalili, isipo kuwa pindi tulipo kipa mgongo kitabu hiki kitukufu.

Anasema Allah ndani ya kitabu chake kitukufu:

لَقَدْ أَنزَلْنَا إِلَيْكُمْ كِتَابًا فِيهِ ذِكْرُكُمْ ۖ أَفَلَا تَعْقِلُونَ

الانبياء:10

(Na hakika tumekuteremshieni Kitabu ambacho ndani yake yamo makumbusho yenu {nguvu zenu,utukufu wenu} Je! Hamzingatii?)

Surat Al anbiyaa:10

Mwezi wa Ramadhani una mafungamano makubwa sana na Qur’aan. Kwani Qur’aan tukufu imeshushwa ndani ya mwezi wa Ramadhani. Kama anavyo elezea Allaah ndani ya kitabu hiki:

شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ

(Mwezi wa Ramadhani ambao imeteremshwa ndani yake Qur'aan kuwa ni uwongofu kwa watu, na ubainifu katika uongofu na upambanuzi. Basi yule atakaye ushuudia mwezi na afunge)

Surat Al baqara:185

Aya hii inathibitisha kwamba mwezi wa Ramadhani una mafungamano makubwa sana na Qur’aan tukufu. Maswahaba walikuwa wakiitilia umuhimu sana Qur’aan katika mwezi huu.

Imepokelewa ya kwamba Othmani radhi za Allah ziwe juu yake: Alikuwa akikhitimisha Qur’aan kila siku katika mwezi wa Ramadhani.

Umuhimu huu wa maswahaba juu ya Qur’aan haukuishia katika kuisoma tu, bali walikuwa wakisoma kwa unyenyekevu na mazingatio ya hali ya juu Kwa sababu walijua ya kwamba maneno wanayoyasoma si maneno ya binadamu bali ni Manenyo ya Allaah ta’ala.

Anasimulia imamu Al Bayhakiy kutoka kwa Abi Hurayra radhi za Allah ziwe juu yake: Pindi zilipo shuka aya hizi

أَفَمِنْ هَـٰذَا الْحَدِيثِ تَعْجَبُونَ (59)

Je! Mnayastaajabia maneno haya?

وَتَضْحَكُونَ وَلَا تَبْكُونَ (60)

Na mnacheka, wala hamlii

النجم:59-60

Surat An-najim: 59-60

Basi As haabu suffa (Maswahaba walio kuwa wametokea maeneo mbali mbali na hawana makaazi wakawa wakiishi msikitini) wakalia sana mpaka machozi yakawa yakitiririka katika nyuso zao. Pindi Mtume alipo sikia kulia kwao basi nae akalia nasi tukalia kutokana na kulia kwake, kisha akasema: (Hakika Hawezi ingia motoni yule aliyelia kwa kumukhofu Allah ).

Ibn Omar radhi za Alla ziwe juu yao: Alisoma surat Al Mutwafifiin mpaka alipo fikia katika kauli yake Allah

(يَوْمَ يَقُومُ النَّاسُ لِرَبِّ الْعَالَمِينَ)

المطففين:6

(Siku watakapo simama watu mbele ya Mola Mlezi wa walimwengu {kwaajili ya hesabu})

Surat Al Mutwafifiin:6

Basi akalia mpaka akadondoka, na akajizuia kwa muda ule kuendelea kusoma aya zinazo fuata.

Muzaahim bin Zufari anasimulia ya kwamba: Sufiyaani Thauriy rahimahu Llaah alituswalisha swala ya Magharibi.Akasoma surat al faatiha mpaka alipo fika katika kauli yake Allaah:

إِيَّاكَ نَعْبُدُ وَإِيَّاكَ نَسْتَعِينُ

الفتحة:5

(Wewe tu tunakuabudu, na Wewe tu tunakuomba msaada)

Surat Al Faatiha:5

Akalia mpaka kikakatika kisomo chake, kisha baada ya hapo akaanza mwanzo wa surat al faatiha.

Al as wadu bin Yaziid rahimahu Llaah alikuwa akikhitimisha Qur’aan katika mwezi wa Ramadhani kila baada ya siku mbili, alikuwa akilala kati ya magharibi na ishaa. Na alikuwa akikhitimisha Qur’aan katika miezi mingine kila baada ya siku sita.

Al Waliid bin Abul Malik rahimahu Llaah alikuwa akithitimisha Qur’aan kila baada ya siku tatu, na akakhitimisha katika mwezi wa Ramadhani mara kumi na saba.

Kataada rahimahu Llaah, alikuwa akikhitimisha Qur’aan kila baada ya wiki, na katika mwezi wa Ramadhani alikuwa akikhitimisha kila baada ya siku tatu. Na likiingia kumi la mwisho alikuwa akikhitimisha kila siku.

Rabii bin Sulayman anasimulia ya kwamba: Alikuwa imamu Shaafi rahimahu Llaah akikhitimisha Qur’aan katika mwezi wa Ramadhani mara sitini (yaani mara mbili kila siku, mchana mara moja na usiku mara moja) na alikuwa akikhitimisha katika miezi mingine mara thelathini kwa mwezi.

Hii ni baadhi ya mifano tu juu ya salaf swaalih na Qur ani katika mwezi wa mtukufu wa ramadhani.

Twamuomba Allah aturuzuku elimu yenye manufaa na matendo mema.

EWE ALLAH TUFIKISHE RAMADHANI!

2011-07-18T05:00:00.000-07:00

Asslaamu alaykum warahmatu llahi wabarakaatuh;

Shukurani zote anastahiki Allah, na rehema na amani ziwe juu ya Mtume Muhammad.

Siku zote inatakiwa muislam asiwe mwenye kuzembea katika mambo mbali mbali yenye manufaa, khususani misimu ya utiifu kama vile Ramadhani. Bali inatakiwa awe wa mwanzo katika twa’a hizo na awe ni mwenye kushindana na kuhakikisha ya kwamba hakuna anaye mpita.

قال الله تعالي:( وَفِي ذَلِكَ فَلْيَتَنَافَسِ الْمُتَنَافِسُونَ)

المطففين:26

Anasema Allah ndani ya kitabu chake kitukufu:

(Na katika hayo {mambo ya kheri} washindanie wenye kushindana).

Suurat Al Mutwafifiin: 26

Imepita miezi, mawiki na masiku na hivi sasa umekaribia Mwezi wa Qur‘an, mwezi wa Baraka, mwezi wa ibada za usiku, mwezi wa kukubaliwa dua za waumini. Ewe Allah tufikishe Ramadhani!

Maswahaba walilelewa na madrasa ya Mtume wakihisi hisia hizi za kuwa na shauku ya kuufikia mwezi wa fadhila, wakiishi na dua hii "Ewe Allah tufikishe Ramadhaan!"

Wakawa wakimuomba Allah awafikishe Ramadhani kabla ya miezi sita, na miezi sita mingine wakimuomba Allah akubali ibada zao.

Bila shaka hisia hizi na hali hii haikujengeka kwa Maswahaba isipokuwa kwa kujua fadhila za mwezi huu, na nafasi ya mwezi wa Ramadhani. Je ili tuweze kuupatia haki mwezi huu mtukufu wa Ramadhani tunatakiwa tufanyaje?

MAANDALIZI YA MWEZI WA RAMADHANI:

Bila shaka shughuli yoyote ile huwezi kuifanya vizuri isipokuwa mpaka uwe na utaalam nayo na umeifanyia mazoezi. Tuchukulie mfano michezo, iwapo kama timu itakuwa na mechi basi hutenga muda maalumu kwa ajili ya mazoezi ili kujiweka fiti na mechi hiyo. Licha ya kwamba wana utaalamu na mpira lakini yawapasa wafanye mazoezi ili waweze zimudu pirika za uwanjani.

Vile vile ibaada mbali mbali ikiwemo funga ya mwezi mtukufu wa Ramadhani inahitaji ujuzi na maandalizi, ili tuweze kuzikusanya fadhila mbali mbali zilizomo ndani ya mwezi mtukufu wa Ramadhani. Ikiwemo kufutiwa madhambi, kukubaliwa ibaada hiyo ya funga na mengineyo.

Maandalizi hayo ni:

1. Kumuomba Allah Atufikishe Ramadhani

Kukithirisha kumuomba Allah atufikishe katika mwezi wa ramadhani "Ewe Allah tufikishe Ramadhani":

Masiku haya ambayo tumeukaribia mwezi mtukufu wa Ramadhaniinatubidi tuzidishe sana kumuomba Allah atufikishe ramadhani.Kwani kufikishwa ramadhaani ni moja ya neema za Allah.Watu wengi watamani kufikkishwa mwezi mtukufu wa ramadhani lakini si kila mmoja anaye tamani ataufikia.Kuna baadhi ya watu tulikuwa nao ramadhani iliyo pita lakini mpaka hivi sasa hatupo nao tena.Kwa hiyo sie tulio ruzukiwa uhai mpaka hivi sasa yatubidi tujitahidi kumuomba Allah atufikishe mwezi huu mtukufu wa ramadhani mwezi wa fadhila"Ewe Allah tufikishe ramadhani".

2. Kukithirisha kufunga katika mwezi wa shaabani:

Ni sunna kukithirisha swaumu katika mwezi wa shaabani kwa ajili ya kuiweka sawa nafsi kwa ajili ya kuupokea mwezi wa ramadhani.

Na hii ndio ilikuwa hali ya mtume,kama anavyo simulia Ummu al mu-uminiina Aisha radhi za Allah ziwe juu yake

(مَا رَأَيْتُ رَسُوْلَ الْلَّهِ صَلَّىَ الْلَّهُ عَلَيْهِ وَ سَلَّمَ اسْتَكْمَلَ صِيَامَ شَهْرٍ قَطُّ إِلَّا رَمَضَانَ وَ مَا رَأَيْتَهُ فِيْ شَهْرٍ أَكْثَرَ صِيَاما مِنْهُ فِيْ شَعْبَانَ)

رَوَاهُ الْبُخَارِيُّ

(Sikumuona Mtume anakamilisha swaumu mwezi mzima isipokuwa Ramadhani. Na sikumuona anakithirisha funga katika miezi kama alivyo kuwa akikithirisha kufunga katika mwezi wa Sha'baani)

Hadithi imepokelewa na Bukhari.

Kwa hiyo yapendezwa kuanza kufunga tokea mwanzo mwa mwezi wa Sha’aban, vile vile siku tatu katika mwezi; yaani ayyaamul baidh (Siku za tarehe13,14 na15 za kalenda ya Hijri) Vile vile siku ya Jumatatu na Alkhamis.

NB: Haitakiwi kufunga siku moja au mbili kabla ya Ramadhani

عَنْ أَبِىْ هُرَيْرَةَ رَضِىَ الْلَّهُ عَنْهُ قَالَ:قَالَ رَسُوْلُ الْلَّهِ صَلَّىَ الْلَّهُ عَلَيْهِ وَسَلَّمَ:(لَا تُقَدِّمُوا رَمَضَانَ بِصَوْمِ يَوْمٍ وَلَا يَوْمَيْنِ إِلَّا رَجُلٌ كَانَ يَصُوْمُ صَوْما فَلْيَصُمْهُ)

رَوَاهُ مُسْلِمٌ

Imesimuliwa kutoka kwa Abu Huraira radhi za Allah ziwe juu yake kasema: Kasema Mtume Muhammad rehema na amani ziwe juu yake (Msitangulize Ramadhani kwa kufunga siku au siku mbili, isipokuwa kwa yule aliye kuwa akifunga kabla yake basi afunge)

Hadithi imepokelewa na Muslim.

Yaani haitakiwi kufunga siku moja au mbili kabla ya Ramadhani isipokuwa kwa yule aliyekuwa akifunga kabla. Mfano kwa yule aliyekuwa akifunga siku ya Jumatatu na Alkhamisi. Basi ikidondokea moja ya hizo siku kabla ya Ramadhani kwa siku moja au mbili hakuna tatizo kwa mtu huyu kufunga. Au kwa yule mtu aliye panga kufunga mwezi wa shaabani karibia wote kama alivyo kuwa akifanya mtume basi hakuna tatizo. Au kwa mtu aliyekuwa kajizoesha kufunga siku na kufuturu siku basi hakuna tatizo kwake kufunga pia.

Vile vile haitakiwi kufunga siku ya shaka. Na siku ya shaka ni siku ya thelathini ya mwezi wa shaabani ikiwa usiku wake ulikuwa ni wenye mawingu mengi kiasi kwamba ikawa hawezekani kujua kama kuna mwezi au hapana.Imeitwa siku ya shaka kwa sababu katika hali hiyo ya mawingu tunakuwa na shaka je mwezi umeonekana au hauja onekana?

Wanazuoni wametofautiana kuhusiana na katazo la kufunga siku hii ya shaka. Je ni katazo linalo fidisha uharamu wa kufunga siku hii au ni katazo linalo fidisha karaha (yaani yachukiwa)kwa hiyo ni bora zaidi mtu asifunge?

Rai yenye nguvu juu ya suala hili ni kwamba katazo hili linafidisha uharamu kufunga siku hii kama inavyo onekana wazi katika hadithi za Mtume (rehma na amani juu yake)

3. Kuishi na Qur ani:

Yatakiwa kujitahidi katika kusoma Qur ani angalau juzu moja kwa siku, ili mpaka unaisha mwezi wa shaabani unakua ushakhitimisha Qur ani japo mara moja. Vile vile yatakiwa kutenga muda maalumu kwa ajili ya kusoma na kuzingatia aya mbali mbali katika Qur ani na wala si kutosheka kwa kuisoma haraka haraka tu.

4. Qiyamu llayli:

Yatakiwa kujitahidi kuswali ibaada za usiku tahajudi na witri; japo raakaa mbili tahajudi na rakaa moja witri. Swali rakaa mbili kwa mazingatio. Kumbuka swala ni mawasiliano kati ya mja na Mola wake. Wakati wa kuswali hisi ya kwamba unazungumza na Allah na anakuona na kukusikia. Soma suurat al Faatiha na sura baada yake kwa mazingatio na utulivu wa hali ya juu, kwa kufanya hivyo utahisi radha ya ibada isiyo sifika na kuhisi furaha ya maisha ya kweli. Kwani furaha ya maisha ya kweli inapatikana katika kumtii Allah sub-hanahu wata’ala na kukithirisha ibaada mbali mbali ikiwemo kuswali na ibaada za usiku. Na yule atakaye hisi ya kwamba kumtii Allah na kutekeleza ibaada mbali mbali ni kujibana na kuto yafaidi maisha basi dhana yake hiyo itakuwa ni potofu.

5. Kujifunza hukumu zinazo husiana na Ramadhani:

Inatakiwa muislamu amuambudu Allah ‘azza wa jall kwa elimu au ujuzi, kwani kujua hukumu za faradhi mbali mbali ambazo Allah ta’ala kazifaradhisha kwa wanaadamu ni lazima kwa kila muislamu. Na katika faradhi hizo ni faradhi ya funga ya mwezi mtukufu wa Ramadhani. Kwa hiyo yatakiwa kujua hukumu na mas’ala mbali mbali yanayo husiana na funga ya mwezi mtukufu wa Ramadhani ili funga zetu ziwe sahihi na ziweze kubaliwa. Kwa hiyo yatupasa kusoma vitabu mbali mbali vinavyo husiana na funga ya Ramadhani na kuwauliza wenye elimu katika yale mambo tunayo tatizwa nayo.

Anasema mwenyezi Mungu mtukufu ndani ya Qur ani

فَاسْأَلوا أَهْلَ الذِّكْرِ إِنْ كُنْتُمْ لا تَعْلَمُونَ))

الأنبياء :7

(Basi waulizeni wenye elimu ikiwa nyinyi hamjui.)

Al anbiyaa:7

6. Kuizoesha nafsi kwa kupunguza baadhi ya vyakula:

Inatakiwa ujizoeshe kuacha baadhi ya vyakula licha ya kwamba wavipenda ili nafsi yako itakapo fika Ramadhani iwe ishazoea hali ya kuacha baadhi ya mambo, hali itakayo pelekea kufunga Ramadhani kiurahisi. Yatakiwa ujitahidi kuipa dunia mgongo (Azzuhdi) kiasi kwamba mwezi wa shaabani kwako uwe una tofauti kiasi na miezi mingine katika vyakula, vinywaji mavazi na mengineyo. Mfano mzuri katika hili ni wale ambao huumwa na vichwa kwa sababu ya kukosa chai asubuhi, basi inafaa kuanza kujizowesha kukosa kunywa chai hata kabla ya mfungo wa Ramadhani ili ikifika Ramadhani jambo hili lisikupe taabu.

7. Mazoezi ya ulimi:

Yatakiwa ujizoeshe kusema ukweli na kuachana na uongo, usengenyaji na ufitinishaji. Kwani mambo haya hayatakiwi yafanywe na muislamu yoyote na kwa mfungaji basi makatazo yake ni ya hali ya juu. Haitakiwi mfungaji awe ni mwenye kudanganya kusengenya na kufitinisha watu.

قَالَ الرَسُوْلُ الله صَلَّى الله عَلَيْهِ وََسَلَّم: "مَنْ لَمْ يَدَعْ قَوْلَ الزُّوْرِ وَالعََمَلَ بِهِ فَلَيْسَ لِله حَاجَةٌ فِيْ أَنْ يَدَعَ طعَامَهُ وَشَرَابَهُ" (رواه البخاري والترمذي وأبو داود وابن ماجه وأحمد)

Imetokana na Abu Hurairah (Radhi za Allaah ziwe juu yake), Amesema Mtume rehma za Allaah na amani zimshukie): “Yoyote ambaye hatoacha kauli za uwongo (chafu) pamoja na matendo, basi Allaah hana yaja ya mtu huyu kuacha kula na kunywa. (Imepokelewa na Bukhari, MuslimAbu Dawud, Ibn Majah na Ahmad)

Hadithi hii itatuthibitishia kwamba ulimi mchafu ni tosha kuwa sababu ya kutokubali kwa funga ya mfungaji.

8. Kuihesabu nafsi:

Ni bora kila mwisho wa siku ukakaa na kuihesabu nafsi yako umefanya madhambi mangapi na kumtubia Allah na kuahidi ya kwamba huto rudia tena, na kukumbuka adhabu ya moto, je mwili wako upo tayari kuishi motoni? Bila shaka hii pia itakusaidia katika kutekeleza funga ya mwezi mtukufu wa Ramadhani kwa ukamilifu. Kwani funga ya Ramadhani si kujizuia na vyakula vinywaji na yale yenye kufuturusha, bali ni funga ya mauvo pia. Lengo la funga ya mwezi mtukufu wa Ramadhani ni kuwafanya watu wawe wachamungu. Na uchamungu ni kufuata maamrisho ya Allah na kuachana na makatazo yake.

Bila shaka maandalizi haya iwapo kama tutayatekeleza kiukamilifu, basi ya yanatosha kuwa sababu kuufunga mwezi wa Ramadhani kiukamilifu, kiurahisi na kuhisi thamani ya Ramadhani na kutamani laiti mwaka wote ungekuwa ni Ramadhani.

Ewe Allah tufikishe Ramadhani na ukubali ibada zetu, hakika Wewe ni Msikivu, Mjuzi wa yote na juu ya kila jambo ni Muweza.

Maana ya Swawm

2011-07-10T10:14:00.000-07:00

Maana ya kilugha
Swawm imetokana na neno la kiarabu swaama ambalo ni lina maana ya kujizuilia¹na mambo ambayo kawaida unayoyafanya kama vile kusema, kula na kunywa². Mwenye kuyafanya haya huwa ni swaaim, yaani mwenye kujizuia. Hata Qur’an imelitumia neno hili katika maana hii ya kawaida pale Malaika alipokuwa akizungumza na Mayram, Mama yake Nabii ‘Isa alayhi salaam, Maryam aliambiwa:-
فَكُلِي وَاشْرَبِي وَقَرِّي عَيْنًا ۖ فَإِمَّا تَرَيِنَّ مِنَ الْبَشَرِ أَحَدًا فَقُولِي إِنِّي نَذَرْتُ لِلرَّحْمَٰنِ صَوْمًا فَلَنْ أُكَلِّمَ الْيَوْمَ إِنسِيًّا
Basi kula, na kunywa, na litue jicho lako. Na pindi ukimwona mtu yeyote basi sema: Hakika mimi nimeweka nadhiri kwa Ar Rahmaan ya sawm; kwa hivyo leo sitasema na mtu.³
Neno swawm kama alivyolitumia Mama Yetu Maryam, halina maana ya Swawm kama ile ya Ramadhani au ya kisheria kwa sababu mbili:-
Aya hii anaamrishwa ale na anywe.
Aya hii inamalizia kwa “kwa hiyo leo sitasema na mtu” kwa swawm ya hapa kwa Bibi Maryam ni kule kujizuilia na kusema.

Maana ya Kisheria
Swam katika misingi ya kisheria, ni tendo la kumuabudu Allaah, kwa kujizuilia na yote yenye kufunguza, kama vile kula, kunywa, kufanya tendo la ndoa na kutokwa na maji ya uzazi kwa kuwa na matamanio baida ya kipindi cha kutoka jua hadi kuzama kwakwe.⁴ Ingawa maana hii inaonekana kama ni kujizuia kwa sehemu mbili yaani tumbo na tupu, lakini kwa mwenye kutegemea malipo kamili ya funga basi hana budi pia kujizuia sehemu nyingine kama vile macho, ulimi masikio na viungo vingine vywa mwili.⁵
قَالَ الرَسُوْلُ الله صَلَّى الله عَلَيْهِ وََسَلَّم: "مَنْ لَمْ يَدَعْ قَوْلَ الزُّوْرِ وَالعََمَلَ بِهِ فَلَيْسَ لِله حَاجَةٌ فِيْ أَنْ يَدَعَ طعَامَهُ وَشَرَابَهُ" (رواه البخاري والترمذي وأبو داود وابن ماجه وأحمد)

Imetokana na Abu Hurairah (Radhi za Allaah ziwe juu yake), Amesema Mtume rehma za Allaah na amani zimshukie): “Yoyote ambaye hatoacha kauli za uwongo (chafu) pamoja na matendo, basi Allaah hana yaja ya mtu huyu kuacha kula na kunywa. (Imepokelewa na Bukhari, MuslimAbu Dawud, Ibn Majah na Ahmad)⁶

Yaani Allaah ta’ala hana haja ya funga ya mtu ambaye hujizuilia na kula na kunywa tu hali ya kuwa anafanya machafu mengine. Hadithi hii inathibitisha kuwa kufunga si tu kujizuiliza na kula na kunywa bali pia kuvizuia viungo vingine na machafu yote.

Hivyo basi, swawm ni mambo matatu:-
Kujizuia na vyenye kufunguza vya msingi yaani kula, kunywa na tendo la ndoa, baina ya kipindi cha kuchomoza hadi kuzama kwa jua.
Kujizuia na yenye kufunguza mabayo ni machafu ya viungo vingine kama vile kusema uongo na kufanya matendo maovu.
Kuzuilia moyo na akili kuelekea kwenye matamanio ya nafsi ambayo ni yenye kufunguza na bdala yake kumkumbuka Allaah ta’ala (dhikrullaah)
Ni lazima tujiepushe kuifahamu funga katika maana ile finyu ambayo ni kutokula na kunywa tu kama wanavyoieleza wasio Waislam au wasiofahamu Uislam.
1. Cowan J. M, Dictionary of Modern Written Arabic, pp 621
2. Shua’ib T. B., Essentials of Ramadhaan The Fasting Month, pp 8
3. Qur’aan, Surat Dhaariyaat, aya 55
4. Shua’ib T. B., Essentials of Ramadhaan The Fasting Month, pp 8
5. Shua’ib T. B., Essentials of Ramadhaan The Fasting Month, pp 9
6. Ibn Hajar Al Asqalani, Bulugh Al Maraam Min Adillatil Ahkaam (English Translation) (Attainment of the Objective Accroding to Evidence of the Ordinances, pp 212

MASHARTI YA LAA ILAHA ILLA LLAAH

2011-05-26T15:24:00.000-07:00

1. KUJUA MAANA YAKE:

Yatakiwa mtamkaji ajuwe maana ya neno hili na yale matakwa yake, ikiwa ni kupinga uungu kwa asiye kuwa Allaah (سُبْحَنَه وَتَعْل) mmoja na kuuthibitisha kwake yeye peke yake.

كما قال تعالي(فَاعْلَمْ أَنَّهُ لاَ إِلَـهَ إِلأ اللَّه)

سورة محمد:19

Kama alivyo tueleza Allaah ndani ya kitabu chake kitukufu (Basi jua ya kwamba hapana Mungu ila Allaah(Mwenyezi Mungu mmoja)

Suurat Muhamad :19

Mmoja wetu anaweza kudhani kwamba kuifahamu ni kitu kidogo sana, na kwamba ni kitu cha moja kwa moja kwa kila Muislam kuijua, kiukweli ni kwamba wako ambao hutamka Laa ilaha illa Llaah kila siku na mara kwa mara wanafanya mambo ambayo ni ya kumshirikisha Allaah (سُبْحَنَه وَتَعْل). Wengi humshirikisha kwa kukosa kujua maana hasa ya Laa ilaha illa Llaah.

2. KUWA NA YAKINI JUU YA NENO HILI

Yatakiwa msemaji asiwe na shaka kabisa juu ya neno hili na matakwa yake. Kiasi kwamba yatakiwa ijengeke katika moyo wako ya kwamba Allaah (عز وجل) (Mwenyezi Mungu) wa kweli ni mmoja tu. Naye ndiye anayestahiki kuabudiwa na viumbe wote. Naye ndiye Muumbaji wa ulimwengu huu na vilivyomo. Naye ndiye mwenye Kuuhisha (kutoa uhai) na Kufisha. Naye ndiye Muendeshaji wa ulimwengu huu. Naye juu ya kila jambo ni Mjuzi. Naye juu ya kila jambo ni Muweza. Naye ndiye mwenye Kugawa riziki kwa waja wake....na kadhalika.

قال الله تعالي(إِنَّمَا الْمُؤْمِنُونَ الَّذِينَ آَمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ أُولَئِكَ هُمُ الصَّادِقُونَ )

الحجرات:15

Anasema Allaah (عز وجل) katika Qur ani (Hakika Waumini ni wale walio muamini Allaah na Mtume wake tena wasitie shaka kabisa, na wakapigana Jihadi katika Njia ya Mwenyezi Mungu kwa mali yao na nafsi zao. Hao ndio wakweli.)Suurat Al Hujuraat:15

وَقَالَ صَلَّيْ الْلَّهُ عَلَيْهِ وَسَلَّمَ(أَشْهَدُ أَنْ لَا إِلَهَ إِلَّا الْلَّهُ وَأَنِّيَ رَسُوْلُ الْلَّهِ لَا يَلْقَىَ الْلَّهَ بِهِمَا عَبْدٌ غَيْرَ شَاكٍّ فِيْهِمَا إِلَّا دَخَلَ الْجَنَّةَ)
رَوَاهُ مُسْلِمٌ

Na anasema Mtume Muhammad (صَلَّى اللَّهُ عَلَيْهِ وَسَلَّمَ) (Ninashuhudia ya kwamba hapana mola apaswaye kuabudiwa kwa haki isipokuwa Allaah (Mwenyezi Mungu mmoja tu) na Mimi ni Mtume wa Allaah. Mja hawezi kukutana na Allaah akiwa na maneno haya pasina ya shaka (akiwa hana shaka juu ya maneno haya) isipokuwa Allaah atamuingiza peponi)

3. KUKUBALI MATAKWA YAKE KWA MOYO NA ULIMI

Yaani kukubali kunakopingana na kukataa (kurudisha) na kutakabbari (kufanya kiburi) juu ya neno hili LAA ILLAAHA ILLAH LLAAH na matakwa yake. Kwani Allaah katueleza kuhusiana na watu watakao kuwa wakiadhibiwa motoni, na miongoni mwa sababu za kuadhibiwa kwao ni kupinga neno hili na matakwa yake.

قال الله تعالي(إِنَّا كَذَلِكَ نَفْعَلُ بِالْمُجْرِمِينَ .إِنَّهُمْ كَانُوا إِذَا قِيلَ لَهُمْ لَا إِلَهَ إِلَّا اللَّهُ يَسْتَكْبِرُونَ) سورة الصافات:34-35

Anasema Mwenyezi Mungu katika kitabu chake kitukufu(Hivyo ndivyo tutakavyowafanyia wakosefu. Wao walipo kuwa wakiambiwa La ilaha illa 'Llahu Hapana mungu ila AllaaAllaah (عز وجل)h tu, wakijivuna. )

Suurat As swaaffaat 34-35

4. KUFUATA YALE AMBAYO LIMEJULISHA NENO HILI

Kwa maana ya kwamba yatakiwa mja awe ni mwenye kuyatekeleza yale aliyoamrishwa na Allaah na mwenye kujiweka mbali na yale aliyo katazwa.

قال الله تعالي في محكم التنزيل(وَمَنْ يُسْلِمْ وَجْهَهُ إِلَى اللَّهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقَى وَإِلَى اللَّهِ عَاقِبَةُ الْأُمُورِ )سورة لقمان:22

Anasema Mwenyezi Mungu Mtukufu ndani ya kitabu chake kitukufu(Na mwenye kuuelekeza uso wake kwa Allaah, naye akawa anafanya wema, basi huyo hakika amekwisha kamata fundo lilio madhubuti. Na mwisho wa mambo yote ni kwa Allaah) Suurat Luqmaan:22

5. UKWELI:

Yatakiwa mtamkaji wa neno hili alitamke hali ya kuwa ni mwenye kusadikisha katika moyo wake. Ulimi wake utamke kile anacho kiitakidi ndani ya moyo wake. Ulimi uwafikiane na moyo.

قال الله تعالي(وَمِنَ النَّاسِ مَنْ يَقُولُ آَمَنَّا بِاللَّهِ وَبِالْيَوْمِ الْآَخِرِ وَمَا هُمْ بِمُؤْمِنِينَ . يُخَادِعُونَ اللَّهَ وَالَّذِينَ آَمَنُوا وَمَا يَخْدَعُونَ إِلَّا أَنْفُسَهُمْ وَمَا يَشْعُرُونَ)

البقرة:8-9

Anasema Mwenyezi Mungu Mtukufu ndani ya Qur ani

وَمِنَ النَّاسِ مَن يَقُولُ آمَنَّا بِاللَّهِ وَبِالْيَوْمِ الْآخِرِ وَمَا هُم بِمُؤْمِنِينَ [٢:٨]يُخَادِعُونَ اللَّهَ وَالَّذِينَ آمَنُوا وَمَا يَخْدَعُونَ إِلَّا أَنفُسَهُمْ وَمَا يَشْعُرُونَ [٢:٩]

(Na katika watu, wako wasemao: Tumemwamini Mwenyezi Mungu na Siku ya Mwisho, wala wao si wenye kuamini. Wanatafuta kumdanganya Mwenyezi Mungu na wale walio amini, lakini hawadanganyi ila nafsi zao; nao hawatambui)Suurat:Al baqara:8-9

Watu hawa wanatamka tofauti na yale yaliyomo ndani ya nyoyo zao. Wanasema wao wamemuamini Allaah na siku ya mwisho (siku ya malipo) hali ya kuwa ukweli wa mambo hawaamini vitu hivyo. Wanamfanyia ujanja Allaah (عز وجل) na waumini, hali ya kuwa ukweli wa mambo ni kwamba wanajifanyia ujanja nafsi zao na hawalihisi hilo. Kwani ujanya waufanyao wa kudhihirisha kinyume na yale wanayo itakidi ndani ya nyoyo zao, uhakika wa madhara hautomrudia yoyote zaidi ya nafsi zao.

6. IKHLAAS

Ikhlaas maana yake ni: Mja kufanya jambo la utiifu kwa nia ya kutaka radhi za Allaah na makazi mema kesho akhera.

قال الله تعالي(وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ )البينة:5

Anasema Allaah ndani ya Qur’ani tukufu (Nao hawakuamrishwa kitu ila wamuabudu Allaah kwa kumtakasia Dini, wawe waongofu, na washike Sala, na watoe Zaka. Na hiyo ndiyo Dini madhubuti)

قال رسول الله صلي الله عليه وسل:(إن الله لا يقبل من العمل إلا ما كان له خالصاً وابتغي به وجهه )رواء أبو داوود

Kasema mtume Muhamad rehema na amani ziwe juu yake(Hakika Allaah hakubali matendo ya waja isipokuwa yale ambayo wameyafanya kwa ajili yake na kutaka radhi zake)

Kwa hiyo mtamkaji wa neno hili inakubidi ulitamke kwa kutaka radhi za Allaah. Si kulitamka kwa ajili ya kuwaridhisha watu, kwa ajili ya kuonekana fulani ni muislamu, kwa ajili ya maslahi fulani ya kidunia. Bali ulitamka kwa ajili ya kutaka radhi za Allaah.

7. KULIPENDA NENO HILI

Yatakiwa msemaji ulipende neno hili na uwapende wale wenye kulitamka na kufuata wa masharti ya neno hili. Vile vile yatakiwa kuchukia na kujiweka mbali na kila kile chenye kupelekea kushusha hadhi ya neno hili au kutengua sharti miongoni mwa masharti yake.

قال الله تعالي(وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ وَالَّذِينَ آَمَنُوا أَشَدُّ حُبّ لِلَّهِ )البقرة:165

Anasema Allaah Mtukufu ndani ya Qur ani (Na katika watu wapo wanaochukua waungu wasiokuwa Allaah. Wanawapenda kama anavyopendwa Allaah. Lakini walio amini wanampenda Allaah zaidi sana)

Suurat: Al baqara:165

Katika sifa za waumini ni kumpanda Allaah (عز وجل). Kwani yeye peke yake ndiye aliye waumba naye ndiye anaye waruzuku, kuwaponya na kwake yeye ndio marejeo ya viumbe wote.

Mpaka hapa tushajua maana ya LAA ILAHA ILLA LLAAH na masharti yake saba, masharti ambayo kwa kuyatekeleza masharti hayo basi neno hili litaku ni hoja ya mja mbele ya Allaah na kumnufaisha msemaji wake.

Makala ijayo inshaallaah tutazungumzia shahada ya pili ambayo ni Muhammad rasuulu llaah.

LAA ILAAHA ILLA LLAAH

2011-05-13T14:43:00.000-07:00

(لَا إِلَه إِلَّا الله) LAA ILAAHA ILLA LLAAH; Haya ni maneno ya upwekeshaji ambayo nafasi yake katika uislamu ni sawa na nafasi ya kichwa katika mwili.Nayo ndio wajibu mkubwa alio tuwajibisha Allah (سُبْحَنَه وَتَعْل). Mtu haingii katika uislamu isipokuwa kwa maneno haya, ambayo huitwa shahada mbili.

Ni nini maana ya maneno haya?

1.MAANA YA LAA ILAAHA ILLA LLAAH

LAA ILAAHA ILLA LLAAH: Maana yake ni Hakuna muabudiwa anaye stahiki kuabudiwa kwa haki isipokuwa Allah (Mwenyezi Mungu)mmoja tu.

Kwa hiyo neno hilo limeungana kutokana na nguzo mbili muhimu nazo ni:-

1. Kupinga uungu wa kweli kwa asiye kuwa Allaah (سُبْحَنَه وَتَعْل) mmoja.

2. Kuthibithisha Uungu wa kweli kwa Allaah (عز وجل) mmoja peke yake na wala si pamoja na miungu mingine.

Kuna aya na hadithi mbali mbali ambazo zinazungumzia umuhimu wa LAA ILAHA ILLA LLAAH. Anasema Allaah (عز وجل) katika surat Muhammad aya:19

فَاعْلَمْ أَنَّهُ لا إِلَهَ إِلا اللَّهُ

Basi jua ya kwamba hapana mungu ila Allaah(Mwenyezi Mungu) mmoja

Na pia imepokelewa katika hadithi ifuatayo:

مَا رَوَاه الْبُخَارِي وَمُسْلِم مِن حَدِيْث عَبْد الْلَّه بْن عُمَر رَضِي الْلَّه عَنْهُمَا قَال: قَال رَسُوْل الْلَّه صَلَّى الْلَّه عَلَيْه وَسَلَّم: بُنِيَ الْإِسْلَام عَلَى خَمْس، شَهَادَة أَن لَا إِلَه إِلَّا الْلَّه، وَأَن مُحَمَّدا رَسُوْل الْلَّه، وَإِقَام الصَّلَاة، وَإِيْتَاء الْزَّكَاة، وَالْحَج، وَصَوْم رَمَضَان

Amepokea Imamu Bukhari na Imamu Muslimu kutoka kwa Ibni Omar radhi za Mwenyezi Mungu ziwe juu yao kasema:Amesema Mjumbe wa Mwenyezi Mungu rehma na amani za Allaah ziwe juu yake. "Uislamu umejengwa juu ya nguzo tano.Kushuhudia ya kwamba hapana mola apaswaye kuabudiwa kwa haki isipokuwa Allaah mmoja ,na kushuhudia ya kwamba Muhammad ni mtume wa Allaah. Kusimamisha swala.Kutoa zakah.Kuhiji na kufunga ramadhaani."

وَمَا رَوَاهُ الْتِّرْمِذِيُّ: عَنْ الْنَّبِيِّ صَلَّىَ الْلَّهُ عَلَيْهِ وَسَلَّمَ أَنَّهُ قَالَ (خَيْرَ مَا قُلْتُ أَنَا وَالْنَّبِيُّوْنَ مِنْ قَبْلِيَ: لَا إِلَهَ إِلَّا الْلَّهُ وَحْدَهُ لَا شَرِيْكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَىَ كُلِّ شَيْءٍ قَدِيْرٌ)

Kapokea Imamu Tirmidhii kwa riwaya yake, kutoka kwa Mtume Muhammad (صَلَّى اللَّهُ عَلَيْهِ وَسَلَّمَ) kasema: “bora ya maneno niliyo yasema mimi na mitume kabla yangu: (LAA ILAHA ILLA LLAAH) hapana mola apaswaye kuabudiwa kwa haki isipokuwa Allaah (عز وجل) mmoja peke yake pasina ya mshirika, ufalme ni wake na shukurani ni zake, Naye juu ya kila jambo ni muweza)”

Mpaka hapa tushajua maana ya LAA ILAHA ILLA LLAAH, lakini kuna jambo muhimu hapana budi kuzindua nalo ni kwamba: neno hili halimfai mwenye kulitamka mbele ya Allaah (عز وجل) isipokuwa kwa masharti. Je masharti yake ni yapi? Inshaallaah katika moja ya makala zijazo tutazungumzia masharti yake.

Dua ya Sidja katika Sala

2011-05-06T04:57:00.000-07:00

الَّهـُمَّ طَهِّرْ أَقْوَالَنَا مِنَ الَّغْوِ

Ewe Allah zitoharishe (zisafishe) kauli zetu kutokana na kauli za upuuzi.

وَأَعْمَالَنَا مِنَ العَبَثٍ

Na yasafishe matendo yetu kutakana na matendo yasiyo na maana

وَإِرَادَتَنَا مِنَ الوَهْنِ

Na nia zetu kutakana na udhaifu,

وَأَنْفُسَنَا مِنَ الشُّحٍّ

Na nafsi zetu kutokana na tamaa,

وَأَلْسِنَتَنَا مِنَ الكَذِبِ

Na ndimi zebu kutokana na uongo,

وَأَعْيُنِنَا مِنَ الخِيَانَةِ

Na macho yetu kutokana na khiyana,

وَقُلُوْبِنَا مِنَ النِّفَاقِ

Na nyoyo zetu kutokana na unafiki,

وَعِبَادَتَنَا مِنَ الرِّيَاءِ

Na Ibada zetu kutokana na riyaa (kujionesha),

وَحَيَاتَنَا مِنَ التَّنَاقُضِ

Na maisha yetu kutokana na utata.

Kalima Mbili

2011-04-28T16:18:00.000-07:00

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللَّهُ عَلَيْهِ وَسَلَّمَ كَلِمَتَانِ حَبِيبَتَانِ إِلَى الرَّحْمَنِ خَفِيفَتَانِ عَلَى اللِّسَانِ ثَقِيلَتَانِ فِي الْمِيزَانِ سُبْحَانَ اللَّهِ وَبِحَمْدِهِ سُبْحَانَ اللَّهِ الْعَظِيمِ

Kutoka kwa Abu Huraira (رَضِيَ اللَّهُ عَنْهُ) alisema, Amesema Mtume (صَلَّى اللَّهُ عَلَيْهِ وَسَلَّمَ) Kalima mbili zinapendeza sana kwa Ar-Rahman, ni nyepesi mno kwenye ulimi na zina uzito mkubwa katika mizani.

Sayyid Al Istighfaar

2011-04-28T16:07:00.000-07:00

 اللَّهُمَّ أَنْتَ رَبِّي لَا إِلَهَ إِلَّا أَنْتَ خَلَقْتَنِي وَأَنَا عَبْدُكَ وَأَنَا عَلَى عَهْدِكَ وَوَعْدِكَ مَا اسْتَطَعْتُ أَعُوذُ بِكَ مِنْ شَرِّ مَا صَنَعْتُ أَبُوءُ لَكَ بِنِعْمَتِكَ عَلَيَّ وَأَبُوءُ لَكَ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ

Ewe Allah, wewe ndiye Mola wangu, hakuna Mungu isipokuwa wewe, umeniumba, na mimi ni mja wako, na nafungamana na ahadi, kwa kadri ya uwezo wangu, najilinda kwako kutokana na shari ninazozifanya, na ninakiri juu ya neema zako kwangu na nakiri juu ya dhambi zangu, nighufirie (nisamehe), kwani hakuna awezaye kusamehe dhambi sipokuwa wewe.

Sehemu za Hadith

2011-04-28T06:24:00.000-07:00

Hadith zimegawika sehemu mbili kuu. Nazo hi Isnaad na Matn.

Isnaad:

Isnaad ni msururu wa wasimuliaji au wapokeaji wa hadith. Hii hujumuisha majina ya wasimulizi kuanzia alyemsikia Mtume (صَلَّى اللَّهُ عَلَيْهِ وَسَلَّمَ) ambaye ni sahaba na kufuatia wengine.

Mfano:

‏حَدَّثَنَا ‏ ‏الْحُمَيْدِيُّ عَبْدُ اللَّهِ بْنُ الزُّبَيْرِ ‏ ‏قَالَ حَدَّثَنَا ‏ ‏سُفْيَانُ ‏ ‏قَالَ حَدَّثَنَا ‏ ‏يَحْيَى بْنُ سَعِيدٍ الْأَنْصَارِيُّ ‏ ‏قَالَ أَخْبَرَنِي ‏ ‏مُحَمَّدُ بْنُ إِبْرَاهِيمَ التَّيْمِيُّ ‏ ‏أَنَّهُ سَمِعَ ‏ ‏عَلْقَمَةَ بْنَ وَقَّاصٍ اللَّيْثِيَّ ‏ ‏يَقُولُ سَمِعْتُ ‏ ‏عُمَرَ بْنَ الْخَطَّابِ ‏ ‏رَضِيَ اللَّهُ عَنْهُ ‏ ‏عَلَى الْمِنْبَرِ قَالَ سَمِعْتُ رَسُولَ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏ ‏يَقُولُ

Majina haya hujipanga kuanzia wa mwisho kuja wa mwanzo, yaani wa mwisho anakuwa ni yule aliyemsikia Mtume (صَلَّى اللَّهُ عَلَيْهِ وَسَلَّمَ).
Mara nyingi katika uandikaji wa hadith katika vitabu ambavyo si vya somo la Hadith Matn hufupishwa na kuandikwa yule anayesimulia kutoka kwa Mtume Muhammad (صَلَّى اللَّهُ عَلَيْهِ وَسَلَّمَ) mwenyewe. Baadhi ya mapokeaji maarufu ni pamoja na Abu Hurayra, Anas Bin Malik, Said Al Khudri na Aysha Bint AbuBakr (Allah awawie radhi)

Matn:

Matn ni hadith yenyewe, yaani ni maneno au matendo au maamuzi ya Mtume (صَلَّى اللَّهُ عَلَيْهِ وَسَلَّمَ) au maelezo juu ya tabia au maumbile yake Mtume Muhammad (صَلَّى اللَّهُ عَلَيْهِ وَسَلَّمَ)

Mfano:

‏‏إِنَّمَا الْأَعْمَالُ ‏ ‏بِالنِّيَّاتِ ‏ ‏وَإِنَّمَا لِكُلِّ امْرِئٍ مَا نَوَى فَمَنْ كَانَتْ هِجْرَتُهُ إِلَى دُنْيَا ‏ ‏يُصِيبُهَا ‏ ‏أَوْ إِلَى امْرَأَةٍ يَنْكِحُهَا فَهِجْرَتُهُ إِلَى مَا هَاجَرَ إِلَيْهِ ‏

Maana ya Hadith

2011-04-28T06:03:00.000-07:00

Maana ya Kilugha:

Maana ya neno hadith katika lugha ya kiarabu ni simulizi au taarifa za kweli au za kutunga, zinazohusiana na wakati uliopo au uliopita. Vile vile neno hili katika lugha lina maana ya mpya yaani kinyume cha kukuu. Neno hili limerithiwa katika lugha ya Kiswahili kama hadithi.

Maana katika Istilaah:

Hadith katika uislam ina maana ya maneno, matendo, maamuzi ya mtume (صَلَّى اللَّهُ عَلَيْهِ وَسَلَّمَ) ikiwa ni pamoja na yote ambayo yalifanywa na kusemwa na masahaba (Allah awawie radhi) mbele yake na akayathibitisha kwa kutoyapinga au kuyakataza. Pia hadith hujumuisha maelezo kuhusu maumbile na tabia za Mtume (صَلَّى اللَّهُ عَلَيْهِ وَسَلَّمَ)

Matumizi ya neno Hadith katika Qur’an

Neno hadith linapatikana katika Qur’an likiwa linatumika katika maana ya kilugha na sio katika istilaah ya sayansi ya hadith.

Mifano kutoka kwenye Qur’ani tukufu:

هَلْ أتَاكَ حَدِيثُ مُوسَى

Je! Imekufikia hadithi ya Musa? (79:15)

فَذَرْنِي وَمَن يُكَذِّبُ بِهَذَا الْحَدِيثِ سَنَسْتَدْرِجُهُم مِّنْ حَيْثُ لَا يَعْلَمُونَ

Basi niache na wanao kadhibisha hadithi hizi (yaani zilizomo katika Qur’ani)! Tutawavutia kidogo kidogo kwa mahali wasipo pajua. (68:44)

Hadith na Sunna

Ma’ulamaa wengi hutumia maneno haya kama maneno mbadala yenye maana moja. Hata hivyo tofauti kati ya sunna na hadith ni kwamba sunna ni matendo yenyewe ambapo hadith ni masimulizi au maelezo ya matendo hayo yanayohusiana na maisha na mwenendo wa Mtume (صَلَّى اللَّهُ عَلَيْهِ وَسَلَّمَ) au kwa kifupi hadith ni maelezo ya sunna.

Shirk katika Ibada - Ash Shirk Al Akbar

2011-04-26T02:17:00.000-07:00

Shirk katika ibada ni shirk ambayo matendo ya ibada huelekezwa kwa asiye Allah sub-hanahu wata’ala. Shirk hii ambayo pia hujulikana kama Shirk katika uluuhiya, vinavyoabudiwa huwa ni viumbe kama vile banadamu, majini, miti, jua na kadhalika. Shirk katika ibada imegawika katika sehemu mbili nazo ni shirk al akbar (shirk kubwa) na shirk al asghar yaani shirk ndogo.

Ash Shirk al Akbar

Mitume yote imekuja kutoa maelekezo kuhusu namna ya kumuabudu Allah ‘azza wa jall, sehemu kuu ya mafunzo haya ni kuwafamisha wanadamu kuepuka shirk hii. Yaani kumuadubu muumba badala ya viumbe. Allah ‘azza wa jall anasema katika Qur’an:-

وَلَقَدْ بَعَثْنَا فِي كُلِّ أُمَّةٍ رَّسُولًا أَنِ اعْبُدُوا اللَّهَ وَاجْتَنِبُوا الطَّاغُوتَ

Na kwa hakika kwa kila umma tuliutumia Mtume kwamba: Muabuduni Allah na muepukeni twaaghut. (6:36)

Twaaghut ni chochote kinachoabudiwa pamoja na Allah ta’ala au badala ya Allah ta’ala. Na kufuata twaaghut ndio kuingia katika shirk al akbar. Ni lazima tufahamu kwamba si kila kinachoabudiwa ni chenye makosa kwani vingine ni chaguo la wafuasi kuabudu wanachokiabudu, ka mfano ‘Issa ‘alayhi salam hakutaka wala kuamrisha aabudiwe. Pia wako wale ambao wenyewe wametaka kuabudiwa kama vile Jathya Sai Baba na Fir’aun, hawa huingia makosani wao pamoja na wafuasi wao.

Ili kuweza kuepuka shirk hii tunalazimika kufuata maelekezo ya Mtume husika kwa wakati wako. Kwa nyakati zilizopita, ilikuwa sahihi kwa watu kufuata mafunzo ya Nabii Adam ‘alayhi salam, Halafu Nabii Idris ‘alayhi salam, halafu Nabii Nuuh ‘alayhi salam mpaka ikafika wakati wa nabii ‘Issa ‘alayhi salam. Kwa wakati tulionao hatuna budi kufuata mafunzo ya Mtume Muhammad sallallahu ‘alayhi wasallam. Kumfuata Mtume mwengine yoyote kwa wakati huu kisha ukamkataa Mtume Muhammad sallallahu 'alayhi wasallam itakuwa hukufuata maamrisho ya Allah ta'ala. Na kuwafuata mitume ni amri ya Allah 'azza wajall. Allah ta’ala anatuambia katika Qur’an:-

مَّن يُطِعِ الرَّسُولَ فَقَدْ أَطَاعَ اللَّهَ

Mwenye kumt'ii Mtume basi ndio amemt'ii Allah (4:80)

Kwa hiyo kundi la kwanza linaloingia katika shirk al akbar ni lile ambalo limeasi au kukataa kutii mafunzo sahihi ya Allah ta’ala kupitia Mtume Muhammad (sallalahu ‘alayhi wasallam) na kuchagua kufuata upotofu mwingine wowote.

Viel vile njia nyingine ambayo inaweza kupelekea watu kuingia katika shirk al akbar ni kuwa na mapenzi makubwa na kitu, katika uislam mapenzi kwa Allah ‘azza wajall huoneshwa kwa kuwa na utiifu kamili katika amri zake na makatazo yake, hapa hatuzungumzii mapenzi ambayo mtu humpenda mama yake, mwanawe, mke au mume kwani kumpenda Allah kwa namna hii kunaweza kumuingiza mja katika shirk ya Asmaa wa sifaat, kwani tumempa Allah mapenzi ya viumbe jambo ambalo halimstahiki. Mapenzi kwa Allah ni kujisalimisha kwake na kufuata matakwa ya Allah badala ya mapenzi ya moyo. Allah ta’ala anatuambia katika Qur’an:

قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ...

Sema: Ikiwa nyinyi mnampenda Allah basi nifuateni mimi, Allah atakupendeni...(3:31)

Kwa hiyo utiifu huambatana na mapenzi. Ikiwa binadamu atakuwa na mapenzi makubwa kupita kiasi na hivyo anachokipenda kikawa baina yake na Allah basi huenda akakiabudu anachokipenda bila hata kujijua. Kwa maelezo haya, wapo wenye kuabudu pesa, mpira au michezo mingine, muziki, televisheni, vitu vya kuchezea (PS3, PSP, Xbox), kompyuta na kadhalika.

Vile vile mtu huingia katika shirk al akbar kwa kufuata matamanio ya nafsi, Allah ta’ala anatuambia katika Qur’an:

أَرَأَيْتَ مَنِ اتَّخَذَ إِلَٰهَهُ هَوَاهُ

Je! Umemwona aliye yafanya matamanio yake kuwa ndio mungu wake?

Hivyo basi kufuata matamanio ya nafsi hupelekea kutokutii amri za Allah ta’ala na kutoyaepuka makatazo ya Allah sub-hanahu wata'ala na kuvunja msingi mkuu wa ibada ambao ni kumtii Allah ta’ala.

Ash shirk al akbar ni dhambi kubwa mno kiasi kwamba hufuta wema wowote ambao mja ameufanya katika maisha yake na ndio sababu iwapo mja hajatubu dhambi hii Allah ta’ala hatoisamehe na mwenye kutenda ataishia kwenda motoni.

Dini zote za uongo huwa ni wenye kufanya shirk hii kwa kuabudu viumbe mbali mbali badala ya Allah ‘azza wajall. Wakristo humuabudu Yesu, Mabuda humuabudu Budha, wako wenye kumuabudu Sai Baba, wenye kuabudu wanyama, jua na viumbe vinginevyo. Waislam wenye itikadi za kisufi pia huingia katika shirk hii kwa kuitakidi na kufanya maombi kupitia mashekhe fulani au makaburi ya masharifu fulani.

Shirk hii hupoteza lengo zima la kuumbwa kwetu nalo ni kumuadubu Allah pekee bila ya mshirika. Katika suratudh Dhaariyaat, allah ta’ala anasema:-

ومَا خَلَقْتُ الْجِنَّ وَالْإِنسَ إِلَّا لِيَعْبُدُونِ [٥١:٥٦]

Nami sikuwaumba majini na watu ila waniabudu. (51:56)

Ni lazima tuwe makini katika suala shirk al akbar kwa vile hupoteza muelekeo na lengo zima la kuumba kwetu na Allah ta’ala. Allah ametupa ukumbusho ili kuwazindua wale waliozama kwenye shirk hii kwa kuwaabudu viumbe wengine, Allah anasema:-

قُلْ أَرَأَيْتَكُمْ إِنْ أَتَاكُمْ عَذَابُ اللَّهِ أَوْ أَتَتْكُمُ السَّاعَةُ أَغَيْرَ اللَّهِ تَدْعُونَ إِن كُنتُمْ صَادِقِينَ [٦:٤٠]

Sema: Mnaonaje ikikujieni adhabu ya Allah, au ikakufikieni hiyo Saa (Qiyama) - mtamwomba asiye kuwa Allah, ikiwa nyinyi ni wakweli?

Ni wazi kwamba hakuna atayeliomba jua, jini au binadamu mwenziwe amsamehe siku hiyo, hakuna atayetaka msamaha kwa chochote ambacho si Allah saa hiyo itakapofika na hivyo vyenye kuabudiwa pia katika siku hiyo vitakuwa vinatarajia msamaha wa Allah ta’ala ili viumbe hivyo vifanikiwe ikiwa ni miongoni mwa majini au binadamu, sasa kwa nini tuabudu viumbe badala ya Muumba?

Shirk Katika Asmaa’ na Sifaat

2011-04-25T03:21:00.000-07:00

Shirki katika majina na sifa za Allah (سبحنه وتعل) imegawika sehemu mawili. Sehemu ya mwanzo ni kumpa Allah (سبحنه وتعل) sifa au majina ya viumbe sehemu ya pili ya shirki hii ni kuwapa viumbe kama vile binadamu, majini au wanyama sifa na majina ya Allah (سبحنه وتعل) mabazo haziwastahiki kwa vile wao ni viumbe na sifa hizo hawanazo.

Shirk kwa Kumpa Allah (سبحنه وتعل) sifa za viumbe

Shirk hii hujumuisha kumpa Allah majina na sifa za viumbe mbali mbali kama vile wanyama, ,miti, mwezi, jua na hasa binadamu. Mara nyingi zaidi ni binadamu ambaye hufananishwa au kupewa sifa za uungu.
Hii ni kutokana na ukweli kwamba binadamu huchukuliwa kuwa ni kiumbe mwenye utawala, nguvu na akili kuliko viumbe wengine. Kwa hiyo anayeitakidiwa kuwa ni Mungu huchongwa au kuchorwa kama binadamu na mara nyingi huchorwa kama mtu afananaye na watu wa jamii husika. Kwa mfano Mahindu na Mabudha huwachora na kuwachonga waungu wao wakifanana na watu wa jamii zao. Vile vile Michelangelo amechora picha ya Yesu akiwa utupu tena ni mzungu, picha hiyo imechorwa kwenye Sistine Chapel ndani ya jiji la Vatican, kwa vile Michelangelo alikuwa ni Mtaliana. Hivyo basi picha au masanamu yao huabudiwa (Yesu, Budha) kwa imani kwamba wao ni waungu.

Ni muhimu kufahamu kwamba haifai kumpa Allah (عز وجل) majina au sifa ambazo yeye mwenyewe hakujinasibisha nazo katika Qur’an au katika sunna za Mtume Muhammad (صَلَّى اللَّهُ عَلَيْهِ وَسَلَّمَ). Kwa mfano hatuwezi kumwita Allah ‘azza wajall mkandarasi kwa vile ameiumba Dunia. Inawezekana kwa akili zetu wenyewe tukadhani kuwa ukandarasi (engineer) ni sifa nzuri lakini pia au inafanana na Al Khaaliq (mwenye kuumba) lakini wakandarasi ni dhaifu kwa mfano hawana uwezo wa kulitunza jengo kwa namna Allah anavyovitunza vile ambavyo ameviumba.

Shirk kwa kuwapa viumbe sifa au Majina ya Allah (عز وجل)

Shirk ya kuwapa viumbe majina na sifa za Allah ta’la hupatikana hata miongoni mwa jamii mabazo wenyewe hujiitakidi kuwa ni Waislam. Ni muhimu kusisitiza kwamba ziko sifa ambazo Allah (عز وجل) anazo na kwa jina pia binadamu amepewa sifa kama hizo. Kwa mfano katika Qur’an Alaah (عز وجل) anatuambia: -

لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ [٩:١٢٨]

Hakika amekwisha kujieni Mtume kutokana na nyinyi wenyewe; yanamhuzunisha yanayo kutaabisheni; anakuhangaikieni sana. Kwa Waumini ni mpole na mwenye huruma.

Allah (عز وجل) katika aya hii amemtaja Mtume kuwa ni Rauf na Rahim yaani mpole na mwenye huruma (Na sio Ar Rauf na Ar Rahim). Hizi pia ni sifa za Allah (سبحنه وتعل). Hivyo basi sifa hizi hazina shirki anapopewa kiumbe kama binadamu lakini ni muhimu pia tufahamu kwamba kwa binadamu sifa hazina ukamilifu kama zilivyo kwa Allah ‘azza wajall, ndio maana Allah ni Ar Rahim na viumbe hawawezi kutanguliziwa ‘Ar’.

Aina hii ya shirk hujumuisha watu ambao hupewa au kujipa sifa au majina ya Allah (سبحنه وتعل). Kwa mfano Waarabu wakati wa ujahiliya waliwapa masanamu yao waliyoyaitakidi kuwa ni waungu majina ya Lata (La Laat) ambalo asili yake ni Ilaahi, ‘Uzza mabayo asili yake ni Al ’Aziz na Manata (La Manaat) ambayo asili yake ni Al Mannaan. Wakati wa Mtume (sallallahu ‘alayhi wasallam) Mtume wa uongo wa Yamama alijipa jina la Rahmaan. Jina hili ni la Allah na hakuna kuimbe mwenye kuchukua jina au sifa hii.

Vilevile wako ambao wenyewe hujiitakidi kuwa ni waislamu lakini huingia katika shirk hii kwa namna moja au chingine. Mfano kundi la Mashia Nusayria wao huitakidi kuwa Ali bin Abi Talib (رضي الله عنه), Salman Al Farsi (رضي الله عنه) na Mtume (صَلَّى اللَّهُ عَلَيْهِ وَسَلَّمَ) ni waungu waliokuja Duniani kwa umbile la binadamu, kama wanavyoitakidi Wakristo juu ya Issa (عليه السلام) au Yesu. Shia Ismailia pia huamini kuwa Agha Khan ni Mungu aliyekuja Duniani umbile la mtu. Itikadi hizi za kishirikina pia hupatikana miongoni mwa Wasufi kama vile Al Hajjaaj.

Vile vile nadharia ya Darwin ambaye amejaribu kuelezea asili ya binadamu kuwa ni kitu kilichoanza kikiwa hakina uhai na kwamba binadamu hakuumbwa ni shirki inayoingia kwenye kundi hili. Nadharia ya Albert Einstein ya Nguvu (Energy) ambayo inaelezea kwamba nishati (energy) haina mwanzo wala mwisho ni shirki inayoingia katika kundi hili. Kwani kila kitu kimeumbwa yaani kina mwanzo na kila kitu kina mwisho au kitakuwa na mwisho, hakuna kitakachodumu milele isipokuwa Allah (سبحنه وتعل). Allah (سبحنه وتعل) natuambia katika Qur’ani tukufu:-

اللَّهُ خَالِقُ كُلِّ شَيْءٍ ۖ وَهُوَ عَلَىٰ كُلِّ شَيْءٍ وَكِيلٌ [٣٩:٦٢]

Allah ndiye Muumba wa kila kitu, na Yeye ndiye Mlinzi juu ya kila kitu. (39:62)

Vile vile Qur’ani inathibitisha juu ya mwisho wa kila kitu katika Surat Ar Rahmaan, Allah amesema:

كُلُّ مَنْ عَلَيْهَا فَانٍ [٥٥:٢٦]

Kila kilioko juu yake kitatoweka. (55:26)

Baadhi yetu hutumbukia katika shirki hii kwa kuitana majina ambayo hayafai. Majina haya yanatokana na sifa timilifu za Alllah ta’ala ambazo binadamu hawanazo. Kwa mfano haifai kumwi ta mtu jina la Rahmaan, hii ni sifa ya Allah ambayo viumbe wote hawana. Vile vile kuambatanisha neno Abdul (mja) na kufuatia na majina au sifa ambazo si za Allah ta’ala. Moja katika majina maarufu ya namna hii ni Abdul-Rasul (Mja wa Mtume) ambalo linaashiria kwamba kiumbe huyu ameumbwa na kupata ulinzi kutoka kwa Mtume (صَلَّى اللَّهُ عَلَيْهِ وَسَلَّمَ), jambo ambalo katika itikadi sahihi ya Kiislam ni shirk.

Ni lazima tuwe makini sana juu ya namna tunavyomsifu Allah (سبحنه وتعل), na isizidia au kupungua juu ya namna Allah (سبحنه وتعل) alivyojisifu mwenyewe katika mafunzo ya Kiislam kupitia Qur’ani na Sunna na pia namna ya tunavyojipa majina na sifa sisi wenyewe tusije tukajitukuza kupita kiasi kama walivyofanya baadhi ya watawala Ulimwenguni.

Shirk katika Ar Rubuubiya

2011-02-13T14:09:00.000-08:00

Kwa jina la Allah, mwingi wa rehma, mwenye kurehemu. Shukrani zote zinamsatahiki Allah(‘azza wa jall), Mola mlezi pekee anayestahiki kuabudiwa, kwake yeye ni mamlaka na amri zote. Nashuhudia kwamba hapana Mole anayestahiki kuabudiwa kwa haki isipokuwa Allah. Na nashuhudia kwamba Muhammad (salla Llahu ‘alayhi wa sallam) ni mja wake na mtume wake.

Shirk katika rubuubiya inaweza kugawanywa katika makundi mawili:

Shirk kwa kumpa Allah wenza.

Sehemu hii ya shirk imegawika sehemu mbili, zote ziwawapa viumbe mamlaka ya Allah kuwa viumbe hivyo ndivyo vilivyo umba badala ya Allah sub-hanahu wa taa’ala, nazo ni:-

Kwanza ni kuamini kwamba Allah ‘azza wa jall ana mshirika katika kuumba. Ushirika huo unaweza kuwa ni mshirika wa Allah ta’ala ni sawa naye au anamkaribia kwa ufalme wake katika kuumba. Shirk hii hupatikana zaidi katika karibu dini zote zisitokuwa Uislamu. Kundi hili la washirikina mara nyingi hutokana na imani za dini ambazo si Uislamu, wafuasi wa dini za namna hii ambao huamini visivyokuwa Mungu ni mungu pamoja na Mola mlezi na hujulikana kama Politheists.
Shirk katika rubuubiya pia hujumuisha imani kwamba kuna kiumbe chingine au mwingine badala ya Allah sub-hanahu wa ta’ala aliyeumba badala ya Allah ta’ala kati ya ardhi na mbingu na vilivyomo ndani yake na vilivyomo nje yake.

Shirk kwa kukanusha kuwepo kwa Allah

Vile vile shirk katika rubuuubiya ni pamoja na kuamini kwamba hakuna Mola muumba na maumbile au viumbe viamekuja kwa njia nyingine kama vile wanavyoamini wenye kuamini nadharia ya Mpasuko mkubwa (Big bang theory), kwamba mpasuko huo umetokea wenyewe na Allah ‘azza wa jall hahusiki kabisa na uumbaji wa mbingu na ardhi pamoja na vilivyomo baina yake.

Sehemu ya hii ya shirk hutokana na nadharia za kifalsafa zenye lengo la kujaribu kuthibitisha uongo ulio wazi kwamba hakuna Mola muumba. Kundi hili katika nchi za Kimagharibi limekuwa likipata wafuasi zaidi katika miaka ya karibuni, wafuasi wa imani hii ya kutokuwepo kwa Mungu hujulikana kama Atheists.

Ni vigumu kumkuta Muislamu anafanya shirk katika rubuubiya, hata hivyo wako wale waliochanganya falasafa na nadharia mbali mbali katika imani na itikadi zao, nao hutumbikia kwenye shirk hii. Mfano wake ni nadharia ya mpasuko mkubwa (big bang theory) au nadharia ya Charles Darwin juu ya asili ya binadamu (theory of evolution). Wengi wao hutumbukia katika imani za namna hii bila ya kujua kwamba kufanya hivyo kumewapelekea kwenye kuwa washirikina.

Kuwafanyia Wema Wazazi

2011-01-16T17:23:00.000-08:00

Allah sub-hanahu wa ta’ala amesema:

وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا [١٧:٢٣]

Na Mola wako Mlezi ameamrisha kuwa msimuabudu yeyote ila Yeye tu, na wazazi wawili muwatendee wema. Mmoja wao akifikia uzee, naye yuko kwako, au wote wawili, basi usimwambie hata uff (yaani ah kwa wazungumzaji wa Kiswahili) Wala usiwakemee. Na sema nao kwa msemo wa hishima. (17:23)

وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا [١٧:٢٤]

Na uwainamishie bawa la unyenyekevu kwa kuwaonea huruma. Na useme: Mola wangu Mlezi! Warehemu kama walivyo nilea utotoni. (17:24)

Maneno Muhimu

Rabb: Ni Mola aliyeumba na aliye mlezi wa vyote Ulimwenguni, Allah ‘azza wa jall.

Kuwafanyia wema wazazi wawili: kuwafanyia wema wazazi wawili ni amri ya Allah ambayo mara nyingi huja baada ya kuzungumzia kuabudiwa kwa Allah na kuepuka shirk.

أَبُو بَكْرَة رَضِيَ اللَّه عَنْهُ قَالَ : كُنَّا عِنْد رَسُول اللَّه صَلَّى اللَّه عَلَيْهِ وَسَلَّمَ فَقَالَ : أَلَا أُنَبِّئُكُمْ بِأَكْبَر الْكَبَائِر ثَلَاثًا الْإِشْرَاك بِاَللَّهِ وَعُقُوق الْوَالِدَيْنِ وَشَهَادَة الزُّور أَوْ قَوْل الزُّور ...

Amesema Abu Bakrah radhi Allahu ‘anh: Tulikuwa pamoja na Mtume salla Llahu ‘alayhi wa sallam akasema mara tatu: “Nikuambieni kuhusu madhambi makubwa; Kumshirikisha Allah, kutowafanyia wema wazazi wawili na kutoa ushahidi wa uongo au kusema uongo...”

Lengo la Mitume ni kuondoa Twaghuut

2011-01-16T17:18:00.000-08:00

Allah sub-hanahu wa ta’ala amesema katika Surat An Nahl:

وَلَقَدْ بَعَثْنَا فِي كُلِّ أُمَّةٍ رَّسُولًا أَنِ اعْبُدُوا اللَّهَ وَاجْتَنِبُوا الطَّاغُوتَ ۖ

Na kwa hakika tumepeleka kwa kila umma Mtume kwamba: Muabuduni Allah, na epukeni Twaghuut. (16:36)

Maneno Muhimu:

Mtume: Mtu ambaye amechaguliwa na Allah kuwapelekea ujumbe wa Allah umma fulani, Mtume hupewa muongozo wa sheria (kitabu)

Twaghuut: Vitu vinavyoabudiwa ambavyo havistahiki, miungu ya uongo ambapo hujumuisha watu ambao wamejipa uungu.

Mwenye kufata twaaghut hupelekea kwenye udhalim na upotofu

Maelezo ya aya

Aya hii inadhihirisha kwamba sababu pekee ya kuletwa Mitume ni kuwaongoa watu katika kumuabudu Allah na kuwaepusha na twaghuut (Ibada za uongo na viabudiwa vya uongo) Hii ni kuanzia Nuh 'alayhi salam ambapo ndio ibada za kishirikina zilipoanza mpaka huu umma wetu wa sasa hivi wa Mtume Muhammad salla Llahu ‘alayhi wa sallam.

Mafunzo ya Aya hii

Mitume imekuja kuongoa umam zao na kuondoa au kuzuia twaghuut
Pamoja na kwamba Mitume ilikuwa na misisitizo tofauti kutokana na upotofu wa umma, Mitume yote ilikuja kufundisha Tawhid na kuondoa shirk.
Kwa kila umma ambao ulipelekewa Mtume kutakuwa hakuna udhuru katika siku wa malipo kwa wale waliokataa kumfuata baada ya kufikishiwa ujumbe.
Aya hii pia ina maelezo ya shahada ndani yake yaani kumuabudu Allah subhanahu wa ta’ala pekee na kuepuka shirki.

Asili na chimbuko la Shirk

2011-01-16T17:06:00.000-08:00

Shukrani zote zinamsahiki Allah, Rabb (Mola mlezi) wa viumbe vyote, na mwisho mwema ni wa wenye taqwa. Rehma na amani zimshukie Mtume wa Allah, pamoja na watu wake na Masahaba zake.

Kwa idhini ya Allah ‘azza wa jall, katika makala hii tutajadili juu ya mwanzo na chanzo cha dhambi ya shirk. Historia inaonesha kwamba watu walioishi miaka ipatayo 2000 ya mwanzo baada ya baba yetu Adam ‘alayhi salam kuletwa Duniani hawakuwa washirikina. Yaani watu wa Nabii Adam (‘alayhi salam) na Nabii Idris (‘alayhi salam), wao hawakumshirikisha Allah subhanahu wa ta’ala. Watu wa mwanzo kumshirikisha Allah ‘azza wa jall ni watu walioishi wakati wa Nabii Nuuh ‘alayhi salam.

Ibn ‘Abbas radhi Allahu ‘anh amesema; baina ya Adam na Nuuh ni vizazi (Qarn) kumi, wote hawa walikuwa juu ya ukweli, kisha wakatofautiana, ndipo Alllah akawapelekea Mitume wenye kuwapa bishara njema na maonyo. [Ibn Jarir at Tabari katika tafsiri yake (4/275)]

Katika matn ya hadithi hii neno lilotumika kama vizazi (kumi) ni neno Qarn. Qarn linaweza kufasiriwa kama ama vizazi (generations) au karne yaani miaka mia moja. Lakini hoja kwamba hapa ni vizazi kumi ina nguvu kutokana na jina la Nabii Nuuh (‘alayhi salam)

Ibn Kathir amelitaja katika tafsiri yake jina kamili la nabii Nuuh ‘alayhi sallam kuwa “Nuuh bin Lamak bin Matushalakh bin Khanukh. Khahukh ni, kama wanavyodai, Nabii Idris ‘alayhi salam. Idris alikuwa ni mtu wa mwanzo kuandika kwa kutumia kalamu, naye alikuwa mwana wa Barad bin Mahlil, bin Qanin bin Yanish bin Shith bin Adam” Ukihisabu vizazi kutoka Adam ‘alayhi salam mpaka Nuuh ‘alayhi salam utapata kuwa ni vizazi kumi.

Vile vile kwa mujibu wa Ibn Kathir tofauti ya muda baina ya Nabii Adam (‘alayhi salam) na Nabii Nuuh (‘layhi salam) ni miaka 1056. Hata hivyo idadi ya miaka 1056 ni kwa mujibu wa Biblia kitabu ambacho hatutakiwi kusadiki wa kukanusha ikiwa hakuna ushahidi mwingine wa kuthibitisha au kukanusha hoja yoyote kutoka kwenye mafunzo yetu, yaani Qur’ani tukufu na Sunnah. Kama utachukua miaka 1056 na umri aliopewa baba yetu Adam (‘alayhi salam) ambayo ni miaka 960 utapata jumla ya miaka ipatayo 2016, miaka hii imepita bila ya Allah ‘azza wa jall kushirikishwa.

Watu hawa walioanza shirk walikataa kumfuata Nabii Nuuh ‘alayhi salam, badala yake waliabudu masanamu, na majina ya masanamu hayo ni Waddan, Suwa'a, Yaghuth, Ya'uq na Nasra. Allah ‘azza wa jall amewataja Miungu hii ya uongo katika Surat An Nuuh:

وَقَالُوا لَا تَذَرُنَّ آلِهَتَكُمْ وَلَا تَذَرُنَّ وَدّاً وَلَا سُوَاعاً وَلَا يَغُوثَ وَيَعُوقَ وَنَسْراً

Na wakasema: Msiwaache miungu yenu, wala msimwache Wadda wala Suwaa' wala Yaghuth, wala Yau'q, wala Nasra

Asili ya majina haya ni ya wachamungu waliyoishi katika jamii hii kabla yao. Baada ya Wadda wa wenziwe kufariki watu hawa walisimika masanamu yao yawe kama ni kumbukumbu ya wachamungu hawa. Ibn Kathir katika maelezo ya aya hii amesema “Masanamu haya yalipewa majina ya wacha mungu walioishi wakati wa Nabii Nuh. Walipokufa wachamungu hawa, shetani akawashawishi watengeneze masanamu kwa ajili ya kumbukumbu wa wachamungu hao, Wakafanya hivyo. Masanamu haya hayakuabudiwa, (muda ukapita na) waliojenga wakafariki na sababu ya kuwepo kwao (masanamu) ikawa haijulikani, ndipo masanamu hayo yakaanza kuabudiwa.

Ibn Jarir at Tabari amesema “Kisha wakatengeneza masanamu yao, baada ya kufa kwa wale waliotengeneza, kizazi kilichofuata walijiwa na Iblis na kuambiwa ‘walioishi kabla yenu waliyaabudu masanamu haya na wakapata mvua, watu hawa nao wakaanza kuayaabudu’

Binadamu kwa asili yake ameumbwa hali akitambua kwamba shirk si jambo linalifaa kutendwa. Yaani kila mmoja wetu huzaliwa hali kwamba anatambua mamlaka ya Allah sub-hanahu wa ta’ala, hii ni kwa sababu kila mmoja wetu huzaliwa akiwa ni mwenye fitra sahihi. Imekaririwa riwaya hii katika Sahihi Muslim:-

عَنْ أَبَا هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَا مِنْ مَوْلُودٍ إِلَّا يُولَدُ عَلَى الْفِطْرَةِ ثُمَّ يَقُولُ اقْرَءُوا فِطْرَةَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ

Abu Hurayra amesema, kasema Mtume (salla Llahu ‘alayhi wa sallam) Hakuna mtoto aliyezaliwa isipokuwa katika Fitra. Kisha akasema, Hapana mabadiliko katika uumbaji wa Allah. Hiyo ndiyo Dini iliyo nyooka sawa. (Muslim)

Ayah ii Aliyoisoma Mtume (salla Llahu ‘alayhi wa sallam) ni aya ya 30 katika Surat ar Rum. Hadith hii kwa ujumla inadhihirisha kwamba kwa asili, Allah ‘azza wa jall ametuumba na fahamu kwamba ushirikina ni jambo lisilofaa, vile vile iwapo binadamu hakufundishwa hawezi kuwa mshirikina.

Wakati tulionao shirk imeota mizizi kwenye Dini zote zisizo Uislam, wako wenye kumuabudu Nabii ‘Issa (‘alayhi salam) na Budha, wako wenye kuabudu Jua , mwezi na nyota, wako wenye kuabudu miti na mashetani. Miongoni mwa wenye kufanya shirk ni pamoja wa wale wanaokanusha kuwepo kwa Mwenye Enzi Mungu. Shirk vile vile imoeta mizizi hata miongoni mwa wanaojiitakidi kuwa ni Waislamu. Kwa mfano Shia Alawi (au Nusayri) ambao wapo Syria wao wanashudia kwamba “Laa ilaha illa ‘Ally” (yaani hapana Mola anayestahiki kuabudiwa kwa haki Isipokuwa ‘Ally) Ni kundi hili la Mashia ambalo ndilo limewanyanyua ‘Ali (radhi Allah ‘nh), Salman Al Farsi (radhi Allah ‘anh) na Muhammad (Salla Llahu ‘alayhi wa sallam) kuwa ni waungu au wamejigeuza kuwa watu kutoka kwenye ‘Uungu’

Mwisho kabisa kuabudu visivyokuwa Allah (‘azza wa jall) hupelekea kupata maradhi ya kuzama kwenye shirk kwani humfanya mtendaji kuamini kwamba anavyoviabudu ni vyenye nguvu za kufanikisha mambo mengi ayatakayo, na hivyo hupelekea anavyovitumia kumshirikisha Allah ‘azza wa jall kuchukua nafasi ya Allah katika moyo na akili ya muhusika. Mwenye kufanya shirk hata kama si yote anayofanikiwa katika anayofanyia shirk, lakini huwa anayakumbuka yale ambayo anayofanikiwa na kisahau mengi ambayo hakufanikiwa.

Shirk - Dhambi Isiyosamehewa

2011-01-16T16:56:00.000-08:00

Somo la Tawhid haliwezi kuwa timilifu bila ya kusoma na kuchambua kwa kina juu ya Shirk, shirk ni kinyume cha Tawhid na ni dhambi yenye uzito mkubwa mno. Vile vile ni dhulma kubwa ambayo binadamu anaweza kuifanyia nafsi yake. Kama tulivyoona katika makala zilizopita, Allah (sub-hanahu wa ta’ala) ameahidi kutoisamehe iwapo aliyetenda hakufanya toba hapa Duniani. Allah (‘azza wa jall) amesema katika kitabu chake kitukufu kwamba:

إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاءُ وَمَن يُشْرِكْ بِاللّهِ فَقَدِ افْتَرَى إِثْماً عَظِيماً

Hakika Allah hasamehe kushirikishwa, na husamehe yaliyo duni ya hilo kwa amtakaye. Na anaye mshirikisha Allah basi hakika amezua dhambi kubwa (4:48)

Aya hii tukiifafanua zaidi tunapata mafunzo mengi ndani yake kama ifuatavyo:

“Hakika Allah hasamehe kushirikishwa” – Katika sehemu hii ya aya, Allah ta’ala anaonyesha anga (mood) la ukali katika suala la kushirikishwa ili sisi tulioumbwa tupate kulipa suala hili uzito unaostahiki, ikiwa ni wenye kutafakari. Hili ni onyo la kiwango cha juu kabisa, tukumbuke Allah havunji ahadi yake na kwamba ametumia neno HAKIKA kabla ya kutuambia kwamba hatosamehe. Hili si jambo linaloweza kubadilika au kwamba lina mashaka ndani yake.

“Yaliyo duni ya hilo” inadhihirisha mambo mawili makubwa; Ukubwa wa kosa hili la kumshirikisha Allah ta’ala, kwamba shirk ni kosa lililo juu kabisa na madhambi mengine yapo chini ya dhambi hii. Vile vile maneno haya matukufu yanaonyesha upole wa Allah ta’ala kwani maana nyingine ni kwamba Allah ‘azza wa jall anasamehe yote yaliyo chini ya shirk. Huu ni urahimu wenye kuonyesha anga la upole na huruma wa Allah ‘azza wa jall.

“Na anaye mshirikisha Mwenyezi Mungu basi hakika amezua dhambi kubwa” – Allah ‘azza wa jall anasisitiza zaidi juu ya uzito wa dhambi hii baada ya kuelezea kwamba madhambi mengine ni duni juu ya hii.

Aya hii ina mtiririko wa ajabu, kwanza imeonyesha uzito juu ya uzito wa dhambi hii; yaani dhambi iliyo juu kisha ni kubwa. Halafu ikatoa onyo kwa wenye kufanya shirk na ndani ya onyo hilo imeonyesha upole wa Allah katika yasiyo kumshirikisha.

Shirk imegawika kama ilivyogawika Tawhid, Yaani kuna shirk katika ar Rubuubiya, shirk katika al Uluuhiya na shirk katika al Asma’ wa sifaat. Inshallah katika makala zijazo tutaelezea maana ya shirk na kisha shirk kama zilivyogawanyika katika ar rubuubiya, al uluuhiya na asma’ wa sifaat.

Kumfanyia ushirika Allah ‘azza wa jall ni kukanusha lengo la kuumbwa kwetu na ndio sababu ya msingi ya kuwa Allah ta’ala hatosamehe kosa hili iwapo iliyelifanya hajatubu.

Katka hadithi iliyosimuliwa na Abu Hurayra (radhi Allahu ‘anh), Mtume (salla Llahu ‘alayhi wa sallam) amezitaja dhambi saba kubwa kabisa nazo ni:

الشِّرْكُ بِاللَّهِ وَالسِّحْرُ وَقَتْلُ النَّفْسِ الَّتِي حَرَّمَ اللَّهُ إِلَّا بِالْحَقِّ وَأَكْلُ الرِّبَا وَأَكْلُ مَالِ الْيَتِيمِ وَالتَّوَلِّي يَوْمَ الزَّحْفِ وَقَذْفُ الْمُحْصَنَاتِ الْمُؤْمِنَاتِ الْغَافِلَاتِ

Kumshirikisha Allah na uchawi, kuua nafsi ambayo Allah ameiharamisha isipokuwa kwa kuifanyia haki (yaani kuua baada ya kuhukumiwa kwa misingi ya kiislamu hii imeruhusiwa), kula riba, kula mali ya yatima, kukimbia siku ya vita (jihaad) na kumsingizia muumini mwema wa kike asiyejua ubaya (uzinifu) (Bukhari).

Kutokana na hadithi hii ni wazi kuwa shirki si jambo linalohitaji kupewa nafasi kwenye maisha ya Muislamu, na shirk imetajwa mwanzo katika hadithi hii kwa kuwa ndio dhambi kubwa kuliko zote zilizomo kwenye hadithi hii. Vile vile Abdullah ibn Mas’ud (radhi Allahu ‘anh) alimuuliza Mtume (salla Llahu ‘alayhi wasallam) ni dhambi ipi iliyo kubwa kabisa, Mtume (salla Llahu ‘alayhi wa sallam) alisema:

أَنْ تَجْعَلَ للهِ نِدًّا وَهُوَ خَلَقَك

Kumpa Allah mpinzani hali ya kuwa yeye pekee ndiye aliyekuumba (Bukhari na Muslim),

Hadithi hii inatutanabahisha juu ya ukweli kwa Allah sub-hanahu wa ta’ala ni pekee aliye Rabb, Mola aliyeumba na kusimamia kila kilichoumbwa, kwa hiyo hata kwa akili zetu iwapo tunalijua hili, ni wzi kwamba si haki kumfanyia Mola wetu mshirika.